Tags-Sahra

ḳhaak sar par kar bagūle se ġham-e-majnūñ meñ haa.e
phāḌtā hai dāman-e-sahrā garebāñ al-ayāz

ai junūñ bā.is-e-bad-hālī-e-sahrā kyā hai
ye mirā ghar to nahīñ thā ki jo vīrāñ hotā

dayār-e-dil meñ bhī ābād hai koī sahrā
yahāñ bhī vajd meñ raqsāñ ġhazāl rahtā hai

maiñ sahrā meñ bhī jannat ke maze letā huuñ ai 'fā.iq'
tabī.at ḳhud mirī husn-āfrīñ ma.alūm hotī hai

āhaTeñ gūñjeñgī aur koī na aa.egā nazar
pyaar kī ābādiyāñ sahrā banā dī jā.eñgī

aañkh khul jaa.e to sahrā kī zamīñ par hoñ qadam
niiñd aa jaa.e to ḳhvāboñ meñ samundar dekheñ

ban kar lahū yaqīn na aa.e to dekh leñ
Tapkī haiñ pā-e-ḳhvāb se sahrā kī vus.ateñ

pūchhe kabhī jo aabla paa.ī kī dāstāñ
dariyā se kah bhī dete pa sahrā se kyā kaheñ

sahrā ki saḳht dhuup meñ jalte hue badan
bār-e-ġham-e-hayāt uThāne ki aarzū

uThe jo shahr se sahrā pe vo baras bhī ga.e
ġhamoñ kī naql-e-makānī huī salīqe se

kahāñ jaate haiñ ghabrā.e hue log
ki sahrā meñ to dīvāne raheñge

nishān-e-barbād-gān-e-ālam jo pūchhe sahrā meñ ham ne jā kar
sabā se uḌ uḌ ke gard baiThī bagūle uTThe havā meñ aa kar

dil se dar-o-dīvār kī ḳhvāhish kyuuñ na ga.ī
sahrā kā māhaul to mere man kā thā

ibtidā meñ kaise sahrā kī sadā samjhī ga.ī
āḳhirash saarā zamāna ham-navā kaise huā

sahrā pe gar junūñ mujhe laave itaab meñ
khīñchūñ har ek ḳhaar ko pā-e-hisāb meñ

sailāboñ kī ret se jis ko tū ne abas namnāk kiyā
dhīre bahtā ik dariyā ban us sahrā ke siine meñ

baḳhsh mujh ko na adhūrī koī ne.amat maulā
yā to dariyā hī de puurā yā to sahrā saarā

vo gum hue haiñ musāfir rah-e-tamannā meñ
ki gard bhī nahīñ ab aarzū ke sahrā meñ

samundar buuñd lagtā hai kisī ko
koī zarre meñ sahrā dekhtā hai

bahār aa.e to merā salām kah denā
mujhe to aaj talab kar liyā hai sahrā ne