Collections

Lab Shayari

Motivational Ghazals

Best Khamoshi Shayari

More Collections

Tags-Sahra

zindagī ek sulagtā huā sahrā thā jahāñ
sab kī āñkhoñ meñ sarāboñ kā bhañvar likkhā thā

sarhad-e-jism se bahar kahin ghar likkha tha

mirī vahshat mire sahrā meñ un ko DhūñDhtī hai
jo the do-chār chehre jaane pahchāne se pahle

tamannaen jawan thin ishq farmane se pahle

ai junūñ tañg huī vus.at-e-sahrā tujh se
ab kahāñ jaa.e tabī.at koī bahlāne ko

aaiye jalwa-e-didar ke dikhlane ko

rūp-nagar ko chhoḌ ke jab se ās-nagar ko aa.e haiñ
sahrā sahrā dhuup kaḌī hai peḌ na koī saa.e haiñ

toD ke nata ham-sajnon se pag pag wo pachtae hain

tanhā nahīñ rah paatā sahrā meñ bhī dīvāna
jab ḳhaak uḌātā hai aalam nazar aatā hai

aalam se fuzun tera aalam nazar aata hai

har mauj-e-havā tez fazā tā-ba-ufuq tañg
dil zarra-e-sahrā hai bagūloñ meñ ghirā hai

hairan hun ki ye kaun sa dastur-e-wafa hai

sahrā se na jañgal kī kabhī ḳhaak se uTThe
ab ke vo bagūle ḳhas-o-ḳhāshāk se uThe

sahra se na jangal ki kabhi KHak se uTThe

dekhūñ tujhe to ruuh kā sahrā sulag uThe
chāhūñ tujhe to terī lagan meñ miThās hai

bekal hai mukh nigah mein boson ki pyas hai

jo miTā ke apnī hastī banā ġham-gusār-e-sahrā
use raas kaise aatī tire dar kī pāsbānī

wahi hadson ke qisse wahi maut ki kahani

na.ī ghaḌī na.e sahrā na.e ufuq laa.ī
kisī tarah haq-e-āshuftagī adā bhī to ho

sitam-taraaz talak zaKHm-ashna bhi to ho

dekhnā hai tujhe sahrā to pareshāñ kyuuñ hai
kuchh dinoñ ke liye mujh se mirī āñkheñ le jā

dekhna hai tujhe sahra to pareshan kyun hai

dasht o sahrā agar basā.e haiñ
ham gulistāñ meñ kab samā.e haiñ

dasht o sahra agar basae hain

ḳhush-shanāsī kā sila karb kā sahrā huuñ maiñ
kaun pahchāne ki ik dasht-e-tamannā huuñ maiñ

KHush-shanasi ka sila karb ka sahra hun main

dil ke sahrā meñ koī aas kā jugnū bhī nahīñ
itnā royā huuñ ki ab aañkh meñ aañsū bhī nahīñ

dil ke sahra mein koi aas ka jugnu bhi nahin

rañg-e-hinā ko naqsh-e-qadam se judā bhī kar
sahrā meñ raḳhsh-e-shauq ko girtā huā bhī bhī dekh

KHushbu ko rangton pe ubharta hua bhi dekh

bhaTak rahā huuñ abhī zindagī ke sahrā meñ
ḳhabar nahīñ ki kahāñ ḳhatm ho safar merā

wo rahen jin se abhi tak nahin guzar mera

lauT jā ab mirī āñkhoñ meñ nahīñ haiñ aañsū
tū samundar jise samjhā thā vo sahrā niklā

chand ubhra na mere jism se saya nikla

jiddat-e-vahshat-e-sahrā ke liye lāzim hai
dasht ke beach ab ik shahr basāyā jaa.e

raat bhar shoala-e-jaan KHub baDhaya jae

qānūn-e-bāġh-bāni-e-sahra kī sarnavisht
likkhī ga.ī to kyā jo na likkhī ga.ī to kyā

ghairon se dad-e-jaur-o-jafa li gai to kya

tez ho jaa.eñ havā.eñ to bagūlā ho jā.ūñ
ghūmte ghūmte ham-raqba-e-sahrā ho jā.ūñ

tez ho jaen hawaen to bagula ho jaun