Collections

Lab Shayari

Motivational Ghazals

Best Khamoshi Shayari

More Collections

Tags-Sahra

Unpublished Ghazal

یک گام بیخودی سے لوٹیں بہار صحرا

har ik zarra hai sahrā aur har sahrā hai ik duniyā
magar is vus.at-e-ālam meñ gunjā.ish kahāñ merī

jaras hai karwan-e-ahl-e-alam mein fughan meri

dariyā nazar na aa.e na sahrā dikhā.ī de
josh-e-junūñ ho jis ko use kyā dikhā.ī de

dariya nazar na aae na sahra dikhai de

fasl-e-gul meñ hai irāda sū-e-sahrā apnā
rañg kyā dekhiye dikhlātā hai saudā apnā

fasl-e-gul mein hai irada su-e-sahra apna

merī nigāh meñ hai terī talāsh baaqī
merī dīvāngī ko sahrā pasand aayā

jo ishq mein guzara lamha pasand aaya

kyā ḳhatm na hogī kabhī sahrā kī hukūmat
raste meñ kahīñ to dar-o-dīvār bhī aa.e

kya KHatm na hogi kabhi sahra ki hukumat

ġhazab kī pyaas lagī sāmnā sarāb kā hai
so reg-e-sahrā se paanī nikālnā hogā

gham-e-wafa ko pas-e-pusht Dalna hoga

ab sochiye to dām-e-tamannā meñ aa ga.e
dīvār o dar ko chhoḌ ke sahrā meñ aa ga.e

ab sochiye to dam-e-tamanna mein aa gae

abhī to aag se sahrā paḌe haiñ raste meñ
ye ThanDakeñ haiñ fasāne kī ibtidā ke liye

ye hadsa bhi to kuchh kam na tha saba ke liye

saat falak kyuuñ Dhalte haiñ aañsū meñ mere
paanī kī tashkīl meñ sahrā kyuuñ aatā hai

ghaibi duniyaon se tanha kyun aata hai

nazar meñ phuul ho kāġhaz pe ek sahrā ho
to yuuñ ġhazal kā koī or-chhor ho jaa.e

faza-e-nam mein sadaon ka shor ho jae

kabhī jo utrūñ maiñ raqs-e-suḳhan ke sahrā meñ
to apnā haal bhī mānind-e-mor ho jaa.e

faza-e-nam mein sadaon ka shor ho jae

ye kyā sitam hai ki aatā huuñ ek sahrā se
zarā sī ghaas ko shādāb dekhne ke liye

jahan-e-reg tera aab dekhne ke liye

tapte hue sahrā meñ bhī kuchh phuul khilā.eñ
kab tak lab-o-ruḳhsār kā afsāna kahā jaa.e

ab KHun ko mai qalb ko paimana kaha jae

dasht-e-ġhurbat meñ un āñkhoñ kī namī yaad aa.e
tishna-lab jaise koī sahrā se paanī māñge

subh rangin-o-jawan sham suhani mange

jalte sahrā kī maujoñ par girte-paḌte rah-rav haiñ
chashma-e-āzādī ke jo ab tak DhūñDh rahe haiñ surāġhoñ ko

chaaron or ab phul hi phul hain kya ginte ho daghon ko

ik junūñ ke vāste bastī ko vus.at dī ga.ī
ek vahshat ke liye sahrā meñ pahnā.ī nahīñ

hijr ki manzil hamein ab ke pasand aai nahin

ham divānoñ ke liye thiiñ vus.ateñ hī vus.ateñ
ḳhatm jab sahrā huā aage samundar aa gayā

jurm-e-izhaar-e-tamanna aankh ke sar aa gaya

lafzoñ ke sahrā meñ kyā ma.anī ke sarāb dikhānā bhī
koī suḳhan sahābī koī naġhma naḳhlistāna bhī

lafzon ke sahra mein kya mani ke sarab dikhana bhi

bikherte raho sahrā meñ biij ulfat ke
ki biij hī to ubhar kar shajar banāte haiñ

tere KHayal ke diwar-o-dar banate hain