English
Favourite
Favourite
UrduShayarUrduShayar
Expand menu
Sign inAccount

Tags-Sahra

mujhe bhī vahshat-e-sahrā pukār maiñ bhī huuñ
tire visāl kā ummīd-vār maiñ bhī huuñ
Ghazal
 mujhe bhi wahshat-e-sahra pukar main bhi hun
junūñ meñ der se ḳhud ko pukārtā huuñ maiñ
jo ġham hai dāman-e-sahrā meñ vo sadā huuñ maiñ
Ghazal
 junun mein der se KHud ko pukarta hun main
sahrā bhī sharmātā hai
is dil kī vīrānī se
Ghazal
 aisi tan-asani se
le ke ḳhālī aañkh kā mashkīza mat sahrā meñ jā
is safar meñ tishnagī kā marhala bhī aa.egā
Ghazal
 zabt gar had se baDha to zalzala bhi aaega
sahrā kī sadā jis ko samajhte rahe kal tak
vo harf-e-junūñ ab chaman-ārā nazar aa.e
Ghazal
 qirtas pe naqshe hamein kya kya nazar aae
banānī hai hameñ tasvīr-e-dil kāġhaz pe lekin ham
kabhī dariyā banāte haiñ kabhī sahrā banāte haiñ
Ghazal
 jagah phulon ki rakhte hain ghana saya banate hain
us ne sahrā kī ret ko oḌhā
ḳhaak meñ ḳhaak ho ga.ī maiñ bhī
Ghazal
 hadson ne use bhi toD diya
husn ik dariyā hai sahrā bhī haiñ us kī raah meñ
kal kahāñ hogā ye dariyā ye bhī to socho zarā
Sher
 husn ek dariya hai sahra bhi hain uski rah mein
sahrā kī dhuup meñ bhī shajar dekhte rahe
kyā log the duā kā asar dekhte rahe
Ghazal
 sahra ki dhup mein bhi shajar dekhte rahe
sabab hai kyā ki maiñ sairāb huuñ sar-e-sahrā
judā huā thā vo āñkhoñ ko jhiil karte hue
Ghazal
 wo be-asar tha musalsal dalil karte hue
sahrā pe burā vaqt mire yaar paḌā hai
dīvāna ka.ī roz se bīmār paḌā hai
Sher
 sahra pe bura waqt mere yar paDa hai
thī vatan meñ muntazir jis kī koī chashm-e-hasīñ
vo musāfir jaane kis sahrā meñ jal kar mar gayā
Ghazal
 wo jo mere pas se ho kar kisi ke ghar gaya
tirī zulfoñ ke saa.e meñ agar jī luuñ maiñ pal-do-pal
na ho phir ġham jo mere naam sahrā likh diyā jaa.e
Ghazal
 sulagti ret ki qismat mein dariya likh diya jae
vo āñkheñ zahr aisā bo ga.ī haiñ
zamīneñ zard sahrā ho ga.ī haiñ
Ghazal
 wo aankhen zahr aisa bo gai hain
phirtā huuñ maiñ ghāTī ghāTī sahrā sahrā tanhā tanhā
bādal kā āvāra TukḌā khoyā khoyā tanhā tanhā
Ghazal
 phirta hun main ghaTi ghaTi sahra sahra tanha tanha
jaane kis kī diid kī hasrat liye dil meñ 'shahāb'
dasht-o-sahrā se bhī aage sair kar aayā huuñ maiñ
Ghazal
 aage jo hoga wo hoga KHair kar aaya hun main
haivānoñ se bach kar rahiye
sahrā ko bhī char jā.eñge
Ghazal
 rafta rafta Dar jaenge
ek qatra ashk kā chhalkā to dariyā kar diyā
ek musht-e-ḳhāk jo bikhrī to sahrā kar diyā
Ghazal
 ek qatra ashk ka chhalka to dariya kar diya
ham ne sahrā meñ tanhā jalāyā diyā
phir sadā āñdhiyoñ se bachāte rahe
Ghazal
 tere altaf ka lutf uThate rahe
burīda-sar paḌā hai kushta-e-ummīd sahrā meñ
udāsī ḳhaak par baiThī huī āñchal bhigotī he
Ghazal
 hawa ki Dor mein TuTe hue tare piroti hai
Top Urdushayar.com