Tags-Sahra

rū-e-zamīñ kā ik ik manzar apnī nazar ke dam se hai
sahrā aur samundar ham haiñ gulshan aur vīrāna ham

tirī sahrā-navardī par hañseñge
vo jañgalī phuul jo bo jā.ūñgā maiñ

aage aage chīḳh rahā hai sahrā kā ik zard safar
dariyā jaane sāhil jaane ham to kashtī chhoḌ chale

yahāñ kahāñ bastiyoñ kī raunaq yahāñ to sannāTā chīḳhtā hai
ujaaḌ sahrā kā ye safar hai diloñ kī duniyā basā.e rahnā

kyuuñ chāñd ko samjhe koī paiġhām kisī kā
sahrā kī kaḌī dhuup bhī hai naam kisī kā

har taraf samt hī kā sahrā hai
bhaag kar jā.eñge kidhar baabā

vo sahrā jis meñ kaT jaate haiñ din yād-e-bahārāñ se
bā-alfāz-e-digar us ko chaman kahnā hī paḌtā hai

maiñ bazm se ḳhākistar-e-dil le ke chalā huuñ
aur sāmne tanhā.ī ke sahrā kī havā hai

jazbe sab mar ga.e lekin vo abhī hai zinda
ruḳh-e-maġhmūm pe hañstā huā sahrā dekho

ab koī phuul mire dard ke dariyā meñ nahīñ
ab koī zaḳhm mire zehn ke sahrā meñ nahīñ

bahār-e-gul meñ dīvānoñ kā sahrā meñ parā hotā
jidhar uThtī nazar kosoñ talak jañgal harā hotā

ġharq hue phir mauj-e-fanā meñ ik ik kar ke sab ke sab
dekho faanī saare nikle raat safar sahrā aur maiñ

dukh kī chādar taan ke ham ne hijr kī raat guzārī thī
aañsū jugnū taare nikle raat safar sahrā aur maiñ

dard aur ġham ke maare nikle raat safar sahrā aur maiñ
ek hī jañg ke haare nikle raat safar sahrā aur maiñ

maiñ ne sochā thā ki ye 'amabar' qismat merī badal deñge
mujh se bichhaḌ ke ye saare nikle raat safar sahrā aur maiñ

fariyād-e-junūñ aur hai bulbul kī fuġhāñ aur
sahrā kī zabāñ aur hai gulshan kī zabāñ aur

ham ne jis kī buniyādoñ meñ saañs kā siisa Daalā thā
miTTī ret aur gaare nikle raat safar sahrā aur maiñ

kaisā hai mirī zaat kā bikhrāo ki 'rāhat'
sahrā mirī vus.at kā ahāta nahīñ kartā

ye añdherī raat aur be-samt sahrā kā safar
dushmanoñ se bach gayā to ḳhud bhī Thokar khā.ūñgā

sahrā meñ ik kursī dekhī
kursī par sachchal ko dekhā