Collections

Lab Shayari

Motivational Ghazals

Best Khamoshi Shayari

More Collections

Tags-Sahra

qurbateñ hī qurbateñ haiñ dūriyāñ hī dūriyāñ
aarzū jaadū ke sahrā meñ mujhe dauḌāye hai

rahguzar ho ya musafir nind jis ko aae hai

zindagī kī talḳhiyāñ detī haiñ ḳhvāboñ ko janam
tishnagī sahrā meñ dariyā kā samāñ dikhlā.e hai

rahguzar ho ya musafir nind jis ko aae hai

aamad aamad mire ashkoñ kī magar sun lī hai
jhaaḌ kar gard jo sahrā ne sañvārā dāman

gauhar-e-ashk se labrez hai sara daman

bahut ai dast-e-junūñ tañg-nazar aatā hai
bāñdh de dāman-e-sahrā se hamārā dāman

gauhar-e-ashk se labrez hai sara daman

din to āvāzoñ ke sahrā meñ guzārā lekin
ab hameñ fikr ye hai ḳhatm kahāñ raat kareñ

dard Thahre to zara dil se koi baat karen

taufīq hai to vus.at-e-sahrā bhī dekh leñ
ye kyā ki apne ghar kī hī añgnā.ī chāhiye

dil Dubne laga hai tawanai chahiye

kyuuñ sakīna aur zainab is qadar ḳhāmosh haiñ
duur tak sahrā meñ dekho ḳhāmushī hai karbalā

mauj-e-dariya ke labon par tishnagi hai karbala

koī dasht-e-balā ho yā koī bhī reg-e-sahrā ho
jahāñ ham eḌiyāñ ragḌeñ vahāñ chashma ubaltā hai

na koi shab badalti hai na koi din badalta hai

is daur se ḳhulūs mohabbat vafā na maañg
sahrā se koī saaya koī aasrā na maañg

is daur se KHulus mohabbat wafa na mang

dil vo sahrā hai ki jis meñ raat din
phuul khilte haiñ bahār aatī nahīñ

dil wo sahra hai ki jis mein raat din

ho raushnī ki zulmat sahrā ho yā samundar
hotā hai zindagī kā 'irfān' aa.ine meñ

alfaz-e-be-sada ka imkan aaine mein

hone se ki jin ke thā bastī kā bharam qaa.em
atrāf meñ shahroñ ke sahrā hī nahīñ koī

is raaz ke baatin tak pahuncha hi nahin koi

milī na vus.at-e-jaulān yak junūñ ham ko
adam ko le ga.e dil meñ ġhubār sahrā kā

gila hai shauq ko dil mein bhi tangi-e-ja ka

niiñd aa jaa.e to kyā mahfileñ barpā dekhūñ
aañkh khul jaa.e to tanhā.ī kā sahrā dekhūñ

apni ruswai tere nam ka charcha dekhun

sahrā ko dariyā samjhā thā
maiñ bhī tujh ko kyā samjhā thā

sahra ko dariya samjha tha

mire makān kā sahrā se kyā muvāzana hai
yahāñ pe shor ziyāda ziyāñ ziyāda hai

qalam mein raushni kam aur dhuan ziyaada hai

terī vaadī ke sanobar mere sahrā ke babūl
un pe ik larza sā taarī un ke murjhā.e se phuul

intizar ki raat

haiñ sabhī ġhair to apnā maskan
shahr kyuuñ ho koī sahrā hī na ho

aise dekha hai ki dekha hi na ho

paañv vahshat ne pakaḌ rakhe the sahrā dekh kar
aur tasavvur jānib-e-dīvār-o-dar uḌtā rahā

jaane kaise main sada be-baal-o-par uDta raha

saath ġhurbat meñ koī ġhair na apnā niklā
maiñ faqat dard ke sahrā meñ akelā niklā

sath ghurbat mein koi ghair na apna nikla