Tags-Sahra

qais samjhā mirī lailā kī savārī aa.ī
duur se jab koī sahrā meñ bagūlā uTThā

raushan rahūñgā ban ke maiñ ik shola-e-navā
sahrā ke ās-pās azaañ chhoḌ jā.ūñgā

āñkheñ merī thiiñ labālab gard kā pahra thā yaañ
vo ye samjhā dhokā hai sahrā meñ paanī dekh kar

gar bahā aate na dariyāoñ meñ ham
aaj un āñkhoñ se sahrā dekhte

kaisī āshuftagī-e-sar hai yahāñ
raas sahrā yahāñ na ghar hai yahāñ

dostoñ ko ho mubārak bhī fazā-e-gulistāñ
raah kab se dekhtā hai dāman-e-sahrā mirā

ābla-pā.ī se kab sahrā-navardī ruk sakī
ik rafīq-e-rāh kī sūrat hai zaḳhm-e-pā mirā

uḌtā phirtā huuñ maiñ sahrā meñ bagūle kī tarah
kuchh nahīñ ilm mirā maljā-o-māvā kyā hai

tumhāre vāste sahrā-nashīñ huuñ ek muddat se
basān-e-āhū-e-vahshī na mujh se aap ram kiije

na sahrā meñ bahaltā hai na kū-e-yār meñ Thahre
kahīñ to chain se mujh ko dil-e-nāshād rahne de

phir na lagtā ye shahr ik sahrā
phir na gum dil ke qāfile hote

lāsh-e-vahshat se nahīñ pahuñchā maiñ sahrā tak hanūz
jaane vaale gor ke pahuñche kināre shahr se

ai junūñ hote haiñ sahrā par utāre shahr se
fasl-e-gul aa.ī ki dīvāne sidhāre shahr se

shāyad koī banda-e-ḳhudā aa.e
sahrā meñ azaan de rahā huuñ

ġhamoñ kī dhuup meñ jaltā huuñ misl-e-sahrā maiñ
bichhaḌ gayā mirā saaya khaḌā huuñ tanhā maiñ

gar ho tirā ishāra sairāb ho ye sahrā
palkoñ pe ek aañsū kab se machal rahā hai

hazār sahrā the raste meñ yaar kyā kartā
jo chal paḌā thā to fikr-e-ġhubār kyā kartā

vaadī vaadī sahrā sahrā phirtā rahā maiñ dīvāna
koh milā

yahīñ kahīñ sahrā meñ Thahar jā dam lene kī baat nahīñ
ḳhaak sivā rakkhā hī kyā hai yahāñ se aur kidhar jaanā

miT rahe naqsh us muqaddar ke
maiñ ne sahrā se jo banāyā hai