Tags-Sahra

sūraj se ras bhañvar se tū sāhil kashīd kar
sahrā ke zarre zarre se mahmil kashīd kar

kyā kahūñ kis shahr kī vīrāniyāñ āñkhoñ meñ thiiñ
jis ghane jañgal se maiñ guzrā vo sahrā ho gayā

kisī sahrā se guzartā hai koī nāqa-savār
aur mizāj us kā havā sab se judā pūchhtī hai

mahmil hai matlūb na lailā māñgtā hai
chāk-girebāñ qais to sahrā māñgtā hai

sabr vahshat-asar na ho jaa.e
kahīñ sahrā bhī ghar na ho jaa.e

zarā tez-gām baḌhe chalo hai fazā-e-sahrā musāfiro
jahāñ aañkh dil kī jhapak ga.ī vahīñ zindagī kā mazār hai

aa rahā huuñ dosto Thahro magar ye to batāo
mujh ko kis goshe se sahrā ke pukārā jaa.e hai

uThā rakkhā thā sahrā sar pe tum ne kaun mānegā
jhaTaknā mat ki ye gard-e-jabīñ hī kaam aa.egī

vo jo the raunaq-e-ābādī-e-gulzār-e-jahāñ
sar se pā tak unheñ ḳhāk-e-rah-e-sahrā dekhā

ham bhī pahuñche the gulistāñ meñ sukūñ kī ḳhātir
aa ga.e zehn meñ taptā huā sahrā le kar

nā āfiyat kī sahar hai na imbisāt kī shaam
huuñ ek umr se sahrā balā ke bandoñ meñ

chamaktī aañkh meñ sahrā dikhā.ī saaf detā hai
mire lahje meñ sannāTā sunā.ī saaf detā hai

sahrā ke sañg-reze kohsār ke karishme
jin kī jalan kā tesha hai āb-e-jū kī ḳhvāhish

saare ahd kā bojh thā sar par dil meñ saare jahāñ kā ġham
vaqt kā jaltā ubaltā sahrā ham ne jis dam paar kiyā

yuuñ dil meñ guzartā hai jā kar kisī sahrā meñ
ḳhātir ko Tuk ik ġham se āzād karūñ ro.uuñ

sahrā meñ har taraf hai vahī shor-e-al-atash
dariyā kā ruḳh badal na sake log āḳhirash

sahrā kā ḳhaar ḳhaar hai mahrūm-e-tishnagī
kitnā sitam zarīf vo chhālā thā paañv kā

ham soch rahe haiñ muddat se ab umr guzāreñ bhī to kahāñ
sahrā meñ ḳhushī ke phuul nahīñ shahroñ meñ ġhamoñ ke saa.e haiñ

varna mujh ko dhuup kā sahrā kabhī na chhoḌtā
aa gayā hai kaam mere ik shajar kā jāgnā

maiñ ne sahrā se tahayyur-ḳhez hairat maañg lī
ḳhaak ho jaatā agar tahzīb-e-vahshat māñgtā