Tags-Sahra

na tum aaoge na āvāz apnī lauT pā.egī
pukāregā tumheñ sahrā meñ dīvāna to kyā hogā

maiñ bhī apnī pyaas nahīñ bujhne dūñgā aur tum bhī
apne sahrā ke har ek sarāb ko taaza rakhnā

uf ye lau detī huī tanhā.iyāñ
shahr meñ ābād hai sahrā bhī kyā

ḳhushbū kī aarzū meñ sazā qaid kī huī
sahrā uThā ke laa.e to pūchhā nahīñ gayā

ik kashmakash meñ ab haiñ samundar paḌe hue
sahrā kī tah meñ phir koī pyāsā utar gayā

shahr phir shahr hai yaañ jī to bahal jaatā hai
shahr ko chhoḌ ke sahrā ko na jā maan bhī jā

āvāzoñ ke añg añg meñ dard ke nashtar chubhne lage
pyāsī āñkhoñ ke sahrā meñ ret kā jhakkaḌ chalne lagā

zar-e-gul baañT do ahl-e-chaman meñ
har ek sahrā hamāre naam kar do

do lafz bayāñ kar dete haiñ ik umr kā apnī afsāna
vo chhoḌ ke gulshan aa na sakā ham chhoḌ ke sahrā jā na sake

kashtiyoñ kī qīmateñ baḌhne lagīñ
jitne sahrā the samundar ho ga.e

baḌe jatan se kisī ko bhulā diyā ham ne
baḌe jatan se ye sahrā ubuur hotā hai

mire sahrā se jo bādal uThe the
kisī dariyā pe bārish kar rahe haiñ

ḳhud apnī aañkh meñ paanī utārne vaalā
hamārī aañkh ko sahrā banānā chāhtā hai

mirī raat merā charāġh merī kitāb de
mirā sahrā bāñdh le paañv se mujhe aab de

shab ġhanīmat thī ki raushan the ummīdoñ ke ḳhutūt
din ke sahrā meñ koī taarā koī jugnū nahīñ

chhat ho falak to ḳhaak uḌāne ko paañv meñ
sahrā meñ khīñchtī hai hameñ ghar kī aarzū

sahrā kī aag pakke gharoñ tak to aa ga.ī
ab ye bhaḌaktī aag jidhar jaa.e shahr meñ

hairat se taktā hai sahrā bārish ke nazrāne ko
kitnī duur se aa.ī hai ye ret se haath milāne ko

aarzū karnā chaman-zāroñ kī sabza-zār kī
aur tā-hadd-e-nazar sahrā hī sahrā dekhnā

kisī sahrā se aatī thiiñ sadā.eñ
kahīñ peḌoñ ke saa.e jā rahe the