Collections

Lab Shayari

Motivational Ghazals

Best Khamoshi Shayari

More Collections

Tags-Samundar

ye kah rahī thī samundar nahīñ ye āñkheñ haiñ
maiñ in meñ Duub gayā e'tibār karte hue

to main bhi KHush hun koi us se ja ke kah dena

ā.inoñ ke bhare samundar meñ
ik anā jāgtā jazīra hai

najat

maiñ koī bahtā huā be-karāñ samundar huuñ
ik ā.īne meñ hazār ā.īne ubharte haiñ

kai sitare yahan TuTte bikharte hain

maiñ ne apnī ḳhushk āñkhoñ se lahū chhalkā diyā
ik samundar kah rahā thā mujh ko paanī chāhiye

sirf KHanjar hi nahin aankhon mein pani chahiye

zarūr laḌkiyāñ paanī meñ tairtī hoñgī
nahīñ to saarā samundar sharāb kaise huā

shab-e-visal tulua aaftab kaise hua

kaḌī ham haiñ usī ik silsile kī
samundar umDe gar gāgar khule to

aham aankhen hain ya manzar khule to

maiñ ek qatra huuñ merā alag vajūd to hai
huā kare jo samundar mirī talāsh meñ hai

bas ek waqt ka KHanjar meri talash mein hai

jān-būjh kar ham ne bādbān khole haiñ
kis ko ab palaTnā hai be-karāñ samundar se

kaam kuchh to lena tha apne dida-e-tar se

pyāsā jo na hotā to samundar se na miltā
dariyā jo mirī pyaas bujhāne ke liye thā

har naqsh-e-nawa lauT ke jaane ke liye tha

jal gayā parvāna pan mujh sā samundar-ḳhū nahīñ
ye suḳhan shāgird kā ustād par baaqī rahā

fasl-e-gul ka gham dil-e-nashad par baqi raha

maiñ kyuuñ na Dūbte manzar ke saath Duub hī jā.ūñ
ye shaam aur samundar udaas paanī kā

kahan talash karun ab ufuq kahani ka

ye mirī ruuh meñ naddī kī thakan kaisī hai
vo samundar kī tarah aa.e bahā kar le jaa.e

wo saKHi hai to kisi roz bula kar le jae

maiñ pyāsā thā magar hoñToñ se mahrūm
samundar thā magar sāhil nahīñ thā

palaT jaana koi mushkil nahin tha

chāroñ or samundar hai
machhlī honā behtar hai

chaaron or samundar hai

samundar ne tum se kyā kahā
istiġhāsa ke vakīl ne tum se pūchhā

samundar ne tum se kya kaha

ye kis ne kah diyā tujh se ki sāhil chāhtā huuñ maiñ
samundar huuñ samundar ko muqābil chāhtā huuñ maiñ

ye kis ne kah diya tujhse ki sahil chahta hun main

ye kis ḳhvāhish kā madd-o-jazr haiñ merī nigāheñ
mujhe saarā samundar ik bhañvar kyuuñ lag rahā hai

sulagne rakh ho jaane ka Dar kyun lag raha hai

maiñ samundar kī tahoñ meñ qaid huuñ
mere andar se koī kashtī nikāl

jism ki kuchh aur abhi miTTi nikal

varna ḳhvāboñ kī tapish tujh ko jalā Dālegī
merī jaagī huī nīndoñ ke samundar tak aa

fikr o ehsas ke tapte hue manzar tak aa

shikasta naav le kar 'faiz' nikle ho samundar meñ
tumhārā Duub jaanā hai muqaddar log kahte haiñ

kisi aaseb ka saya hai is par log kahte hain