Collections

Lab Shayari

Motivational Ghazals

Best Khamoshi Shayari

More Collections

Tags-Samundar

Dūbtī jaatī haiñ miTTī meñ badan kī kashtiyāñ
dekhne meñ ye zamīñ koī samundar bhī nahīñ

dil ajab gumbad ki jis mein ek kabutar bhi nahin

vo ek aise samundar ke ruup meñ aayā
ki umr kaT ga.ī jis ko ubuur karne meñ

kuchh aisa utra main us sang-dil ke shishe mein

ye kyā ġham hai mire ash.ār ko nam kar diyā kis ne
ye dil meñ kis samundar kī ghaTā ko dekhtā huuñ maiñ

baDi hairat se arbab-e-wafa ko dekhta hun main

ahl-e-kashtī ko to sāhil ke hī ḳhvāb aate haiñ
taktā rahtā hai safīnoñ ke samundar chehre

kam hi hote hain muqaddar ke sikandar chehre

sūraj ko ye ġham hai ki samundar bhī hai pāyāb
yā rab mire qulzum meñ koī sail-e-ravāñ aur

is dasht pe ehsan na kar ai abr-e-rawan aur

aañkh jaise koī samundar ho
aur lahja sharāb thā us kā

zahr to la-jawab tha us ka

aaj phir ghaat meñ baiThā hai samundar kā sukūt
ham ko ik dūsre se duur hī rahnā hogā

samandar ka sukut

ḳhalvat-e-jāñ meñ tirā dard basānā chāhe
dil samundar meñ bhī dīvār uThānā chāhe

KHalwat-e-jaan mein tera dard basana chahe

samundar hai koī āñkhoñ meñ shāyad
kināroñ par chamakte haiñ guhar se

samundar hai koi aankhon mein shayad

hamesha chashm meñ rahnā mujhe achchhā nahīñ lagtā
maiñ rahnā chāhtā huuñ ai samundar tere paanī meñ

ghamon ki bhiD ne kuchla hai mujhko shadmani mein

hoñToñ pe mohabbat ke fasāne nahīñ aate
sāhil pe samundar ke ḳhazāne nahīñ aate

honTon pe mohabbat ke fasane nahin aate

vajūd rakhnā thā apnī shanāḳht kho kar bhī
nadī ne ḳhud ko samundar kī samt moḌā thā

junun mein ret ko yun hi nahin nichoDa tha

hisār-e-sabr se jis roz maiñ bāhar nikal aatā
samundar ḳhud mirī ā.ankhoñ kī vīrānī meñ aa jaate

agar dasht-e-talab se dasht-e-imkani mein aa jate

sāñseñ jitnī maujeñ utnī sab kī apnī apnī gintī
sadiyoñ kā itihās samundar jitnā terā utnā merā

ek hi dharti hum sab ka ghar jitna tera utna mera

ghaḌī ghaḌī mirī ā.ankhoñ meñ uḌ rahī hai dhuul
sadī sadī kā mirī raah meñ samundar hai

ruton ke rang badalte hue bhi banjar hai

kaale dariyā to kiye kitne ubuur
raah meñ ab ke samundar aayā

mausam-e-gul bhi mere ghar aaya

nafas nafas hai bhañvar chaḌhtī shab kā manzar hai
hisār-e-jism meñ ik chīḳhtā samundar hai

nafas nafas hai bhanwar chaDhti shab ka manzar hai

zindagī itnī pareshāñ hai ye sochā bhī na thā
us ke atrāf meñ sholoñ kā samundar dekhā

zindagi itni pareshan hai ye socha bhi na tha

ubal paḌūñ na maiñ ik din kahīñ kināroñ se
zamīn huuñ maiñ samundar mirī talāsh meñ hai

na jaane kab se barabar meri talash mein hai

maiñ apne dil ke samundar se tishna-kām aayā
pukārtī rahīñ maujeñ uchhal uchhal ke mujhe

qaza jo de to ilahi zara badal ke mujhe