Collections

Lab Shayari

Motivational Ghazals

Best Khamoshi Shayari

More Collections

Tags-Samundar

ubuur bahr-e-haqīqat se jab nahīñ mumkin
kināre baiTh ke lahreñ ginūñ samundar kī

taDap ke raat basar ki jo ek muhim sar ki

kyā samundar ko bhī ḳhatra hai ki is meñ koī
kulbulātī huī bechain nadī rahtī hai

dhup nikli kabhi baadal se Dhaki rahti hai

haath aa.egā kyā sāhil-e-lab se hameñ 'anjum'
jab dil kā samundar hī guhar-bār nahīñ hai

dastar-e-hunar baKHshish-e-darbar nahin hai

sharīk-e-rasm-e-girya haiñ samundar-āshnā āñkheñ
jahān-e-ārzū meñ kar na deñ mahshar bapā āñkheñ

sharik-e-rasm-e-girya hain samundar-ashna aankhen

samundar se simaT kar jhiil bante jā rahe haiñ
hamārī be-karānī ḳhatm hotī jā rahī hai

mere andar rawani KHatm hoti ja rahi hai

yaas ke gahre samundar se nikalnā thā muhāl
aap ne chāhā umīdoñ ke kināre aa ga.e

phul KHushbu chand jugnu aur sitare aa gae

be-sadaf kitne hī dariyāoñ se kuchh bhī na huā
bojh qatre kā thā aisā ki samundar se uThā

dard-e-dil bhi gham-e-dauran ke barabar se uTha

kyā ḳhabar Duub ke ubhrīñ ki ubhar kar Dūbeñ
ziist ko ham to samundar kā safar jānte haiñ

hum musafir hain ki maqsud-e-safar jaante hain

dā.era-dar-dā.era chāroñ taraf bikhrā huā
ek samundar meñ sadā ke kañkaroñ ke saath maiñ

har ghaDi har lamha uThte pattharon ke sath main

samundar kī hadeñ baḌhne lagī haiñ
nazar aatā kahīñ sāhil nahīñ ab

hisab-e-dostan dar-dil nahin ab

tujhe terā samundar ho mubārak
hamārī pyaas se achchhā nahīñ hai

wo dariya hai koi sahra nahin hai

samundar to mathe jaatī hai duniyā
koī bhī vish magar piitā nahīñ hai

wo dariya hai koi sahra nahin hai

ek jaise nīm-jāñ māhaul-o-manzar duur tak
be-navā be-nām logoñ ke samundar duur tak

ek jaise nim-jaan mahaul-o-manzar dur tak

aaj gardūñ kī bulandī nāpne meñ mahv haiñ
kal kisī gahre samundar meñ utar jā.eñge ham

bhagte suraj ko pichhe chhoD kar jaenge hum

duurī kī koī lahr na le jaa.e bahā kar
chāhat ke samundar meñ safar kar to rahā huuñ

ruk ruk ke kabhi muD ke tujhe dekh raha hun

har samt na.e dukh ke samundar kī sadā hai
maiñ tark-e-ta.alluq ke jazīre pe khaḌā huuñ

ruk ruk ke kabhi muD ke tujhe dekh raha hun

bulandī se tabāhī ke samundar ne kiyā dhāvā
chaTānoñ ke jigar se phuuT niklā ātshīñ-lāvā

aaKHiri raat

had chhū rahī thī raat jahāñ tishnagī mirī
thā us ke ba.ad ek samundar lagā huā

maujon ka shor-o-shar hai barabar laga hua

kisī ke hoñTh par hañstī haiñ phūloñ kī davā.eñ
kisī kī aañkh meñ chhup kar samundar bolte haiñ

hamare pas bhi dil hai ye aksar bolte hain

maiñ Dūbtā jazīra thā maujoñ kī maar par
chāroñ taraf havā kā samundar siyāh thā

viran thi raat chand ka patthar siyah tha