Tags-Samundar

kab samundar kināroñ kā muhtāj hai
kab dil mauj-e-āzād kī shā.irī

judā ho kar samundar se kinārā kyā banegā
nahīñ sochā hai ab tak vo hamārā kyā banegā

ai dost yahāñ arz-e-hunar jaañ kā ziyāñ hai
tū gahre samundar meñ utar jā.egā āḳhir

samay hai ek samundar
jug sadiyāñ aur saal

so merī pyaas kā donoñ taraf ilaaj nahīñ
udhar hai ek samundar idhar hai ek sarāb

maiñ buuñd buuñd kī ḳhairāt kab talak māñgūñ
sameT lā.ūñ samundar se sīpiyāñ apnī

sabhī ko paar utarne kī justujū lekin
na bādbāñ na samundar na kashtiyāñ apnī

hai pur-sukūn samundar kuchh is tarah dil kā
ki jaise chāñd khilā hī nahīñ hai tere ba.ad

allāh tere saath hai mallāh ko na dekh
ye TuuTī phūTī naav samundar meñ Daal de

tumhāre ġham ne Duboyā hai par pukāro to
maiñ lauT aa.uuñ usī pal kisī samundar se

jazīre ḳhvāhishoñ kī raah meñ haiñ
magar lāzim samundar paar karnā

kahāñ haiñ vo aarzū ke chashme talab ke vo maujzan samundar
nazar ne āndhe kueñ banā.e haiñ fikr ne khā.iyāñ likhī haiñ

dard-e-ulfat dard-e-duniyā aur ye nanhā sā dil
ek kuuze meñ samundar ko samo letā huuñ maiñ

khāre paanī kā samundar yuuñ huā mujh ko atā
umr bhar hoñToñ pe mere tishnagī qaa.em rahe

kaTī huī hai zamīñ koh se samundar tak
milā hai ghaav ye dariyā ko rāsta de kar

sūraj ko ye ġham hai ki samundar bhī hai pāyāb
yā rab mire qulzum meñ koī sail-e-ravāñ aur

chehroñ ke samundar se guzarte rahe phir bhī
ik aks ko ā.īna tarastā hai hamārā

vo motī huuñ jo kho jaatā hai sāhil meñ samundar ke
vo daana huuñ bikhar ke duur hotā hai jo ḳhirman se

asrār-e-ishq hai dil-e-muztar liye hue
qatra hai be-qarār samundar liye hue

mauj-e-dariyā ko samundar se mafar mushkil hai
lauT bhī aao ki ye rasta kaḌā hai dekho