Tags-Saqi

mai-ḳhāna-e-bahār meñ muddat kā tishna-lab
saaqī ḳhatā-muāf! ḳhatā khā ke pī gayā

dil kuchh subūt-e-hifz-e-sharī.at na de sakā
saaqī ke lutf-e-ḳhās pe itrā ke pī gayā

paḌ ga.ī kyā nigah-e-mast tire saaqī kī
laḌkhaḌāte hue mai-ḳhvār chale aate haiñ

bulbul hai chaman hai sarv-o-gul hai
saaqī hai mai-e-muġhāna hai yaañ

chhoḌ sau kaam aa pahuñch saaqī
jāñ-ba-lab hai ḳhumār meñ koī

zulfoñ ko be-ḳhudī kī ridā meñ lapeT de
saaqī pa.e-shabāb ki mausam ḳharāb hai

kār-e-ḳhair itnā to ai laġhzish-e-pā ho jaatā
paa.e saaqī pe hī ik sajda adā ho jaatā

haiñ ġharq-e-bahr-e-mai-e-mohabbat vahāñ hai 'kaifī' ye sab kī hālat
hai daḳhl saaqī kī bazm meñ kyā surāhī-o-sāġhar-o-subū kā

merī maut ai saaqī irtiqā hai hastī kā
ik 'salām' jaatā hai ek aane vaalā hai

vahdat kā vo surūr thā saaqī ke jaam meñ
piine ko ham ne pī hai magar be-ḳhudī nahīñ

hans ke paimāna diyā zālim ne tarsāne ke ba.ad
aaj nāzuk se lab-e-sāqī haiñ paimāne ke ba.ad

maiñ huuñ saaqī hai shab-e-ḳhalvat hai daur-e-jām hai
bose par bosa hai paimāna hai paimāne ke ba.ad

ye phuul chaman ko kyā sañvāreñ saaqī
kāñToñ meñ ulajh ga.iiñ bahāreñ saaqī

guzre yūñhī to tauba ke din ab sivā piyūñ
saaqī zarā talāfī-e-māfāt bhī to ho

chashm-e-sāqī kī tarah hai asar-andāz ai shaiḳh
ba.ad tauba ke chhalaknā bhare paimānoñ kā

mahfil un kī saaqī un kā
āñkheñ apnī baaqī un kā

jise maiñ ne jagmagāyā usī anjuman meñ saaqī
mirā zikr tak na aa.e mirā naam tak na pahuñche

mai-ḳhāna-ba-dosh haiñ ghaTā.eñ saaqī
paimāna-farosh haiñ fazā.eñ saaqī

raat saaqī baġhair thaam ke dil
zahr kā ghūñT pī liye hī banī

pilā saaqī ki rah jaa.e ḳhumār-e-kaif kā parda
bas ab ruktīñ nahīñ aatī huī añgḌā.iyāñ mujh se