Tags-Saqi

ham ko to be-savāl mile be-talab mile
ham vo nahīñ haiñ saaqī ki jab māñgeñ tab mile

shikast-e-sāġhar-e-dil kī sadā.eñ sun rahā huuñ maiñ
zarā pūchho to saaqī se ki paimānoñ pe kyā guzrī

qadam qadam pe hazāroñ fareb haiñ saaqī
irāde nek to bāñdhe haiñ bāda-ḳhvāroñ ne

tezī-e-bāda kujā talḳhī-e-guftār kujā
kund hai nashtar-e-sāqī se sinān-e-vā.iz

jām-o-subū nahīñ tirī āñkhoñ se ab pilā
ai saaqī mar na jā.ūñ kahīñ tishnagī se maiñ

majlis-e-chashm-e-mast saaqī meñ
daur-e-jām-e-sharāb dekhā huuñ

azal ke din se haiñ ham mast-e-jalva-e-sāqī
hamāre sāmne kis roz āftāb na thā

saaqī tirī nigāh ko pahchāntā huuñ maiñ
mujh se fareb-e-sāġhar-o-mīnā na chāhiye

qasam hai ham ko tirī chashm-e-mast kī saaqī
piyeñ sharāb to kām-o-dahan ko aag lage

had bhī hotī hai koī tishna-labī kī 'nūrī'
ḳhud hī pī lete haiñ saaqī kī nazar hone tak

kyā asar thā nigāh-e-sāqī meñ
nashsha utrā na umr bhar apnā

zabāñ pe rindān-e-kam-nazar kī shikāyat-e-sāqī-e-azal hai
talab sivā ho jo zarf dil se havas hai vo tishnagī nahīñ hai

balā kashān-e-dar-e-mai-kada kahāñ jaa.eñ
qadam qadam hai qayāmat kā fāsla saaqī

nazar nazar meñ jagah DhūñDhtā rahā mai-kash
koī to jāntā rindī kā martaba saaqī

hayāt kyā hai mohabbat hai kyuuñ jamāl hai kyā
na hal huā kabhī 'aḳhtar' kā mas.ala saaqī

huā hai terī mohabbat kā hausla saaqī
magar garāñ hai qanā.at kā marhala saaqī

amaañ se duur hai sahrā-e-ārzū kī tapish
hayāt-e-soz-e-tamannā kā aabla saaqī

ye dasht-e-tishna-labī hai shikasta ḳheme haiñ
kahāñ gayā mire armāñ kā qāfila saaqī

mirī hayāt kā sab kuchh fazā-e-mai-ḳhāna
subū-o-jām tirā ek mashġhala saaqī