Tags-Saqi

ḳhabar kyā thī vaa.iz hai yahī samjhā ki saaqī hai
uThā aur uTh ke jā lipTā maiñ betābāna mastī meñ

sharāb-e-ātishīñ vo hai ki do ik ghūñT piite hī
jo saaqī ho to aatā hai nazar paimāna mastī meñ

diyā saaqī ne avval roz vo paimāna mastī meñ
ki maiñ nā-āshnā pī kar huā dīvāna mastī meñ

vo bhī kyā daur the saaqī tire mastānoñ ke
rāste raah takā karte the mai-ḳhānoñ ke

na laayā hai shīsha na jām-o-subū
pilātā hai saaqī zabānī sharāb

vo sho.ala hai saaqī ki rañjak kī tarah
uḌā detī hai nā-tavānī sharāb

kyā jāniye ye riñd bure haiñ ki bhale haiñ
saaqī kī nigāhoñ ke ishāroñ pe chale haiñ

mujh se saaqī ne kahī raat ko kyā baat ai 'josh'
yaanī azdād haiñ parvarda-e-yak-zāt ai 'josh'

dard-e-sar hai ḳhumār se mujh ko
jald le kar sharāb aa saaqī

tirī dariyā-dilī saaqī hamārī tishna-kāmī se
ḳhajil kaise na ho miinā meñ kam yuuñ bhī hai aur yuuñ bhī

faiz-e-sāqī kī ajab dhuum hai mai-ḳhānoñ meñ
har taraf mai kī talab maañg hai paimānoñ kī

girāñ thā sāqi-e-daurāñ pe ek sāġhar bhī
to kis umiid pe ham ḳhvāhish-e-subū karte

saaqī mujhe ḳhumār satā.e hai lā sharāb
martā huuñ tishnagī se ai zālim pilā sharāb

mai-ḳhāne meñ aanā zāhid kā phir dar pe ThiThuk kar rah jaanā
saaqī ke ishāroñ kā mastoñ kuchh kaan meñ sab ke kah jaanā

saaqī nashe meñ tujh se luñDhā shīsha-e-sharāb
chal ab ki duḳht-e-tāk kā joban to Dhal gayā

mujh se qaa.em hai vaqār-e-mai-o-mīnā saaqī
maiñ vo mai-kash huuñ jise shaiḳh-e-haram chāhe hai

duniyā se dar-guzar ki guzargah ajab hai ye
darpesh ya.anī 'mīr' hai jaanā jahāñ se bhī

aa.e the pūchhte hue maiḳhāne kā pata
saaqī se lekin apnā pata pūchhnā paḌā

ik tishna-lab ne chhīn liyā baḌh ke jām-e-mai
saaqī samajh rahā thā sabhī ko girā-paḌā

kal kī kal hai kal jab aa.egā to samjhā jā.egā
aaj to saaqī ne dil kā bojh halkā kar diyā