Tags-Saqi

sadr-e-mai-ḳhāna banāyā thā kabhī
ab jahāñ chāhe biThā de saaqī

tujh ko mustaqbil-e-zarrīñ kī qasam
pichhlī bātoñ ko bhulā de saaqī

sab jise kahte haiñ 'vāmiq' 'vāmiq'
ham ko bhī us se milā de saaqī

jis se so.e hue dil chauñk uTheñ
naġhma ik aisā sunā de saaqī

qasr-e-auhām ko Dhāne ke liye
saarā mai-ḳhāna luñDhā de saaqī

vo uThīñ kaalī ghaTā.eñ tauba
ab to piine kī razā de saaqī

nashshā-e-fikr abhī baaqī hai
ek jaam aur uThā de saaqī

jī hai bahut udaas tabī.at hazīñ bahut
saaqī ko pyāla-e-mai-e-ātishīñ bahut

saaqī bahār dar-kaf phuul aa.e mai-kade se
tūfān uTh rahā hai gulshan meñ rañg-o-bū kā

ye chhalaktā huā jaam
maiñ ise pī na sakūñgā saaqī

saaqī baġhair ahvāl ye pahuñchā hai mai-ḳhāne kā ab
jaam ik taraf hai sar-nigūñ ḳhālī hai miinā ik taraf

uThā jo mīnā-ba-dast saaqī rahī na kuchh tāb-e-zabt baaqī
tamām mai-kash pukār uTThe yahāñ se pahle yahāñ se pahle

vo qadam qadam pe laġhzish vo nigāh-e-mast saaqī
ye tarāsh-e-zulf-e-sarkash ye kulāh-e-kaj-nihādā

ye kaisī dariyā-dilī hai saaqī havas bhī dil kī huī na puurī
jo kī ināyat bhī to adhūrī agar diyā bhī to jaam aadhā

huā to hai tere hijr meñ dil hamārā jal kar kabāb saaqī
kasar agar hai to itnī hī hai ki puḳhta aadhā hai ḳhaam aadhā

nigāh-e-mast-e-sāqī se jo mai-ḳhvāroñ ne pī hotī
yaqīnan hashr tak un ko na phir tishna-labī hotī

'parvez' aaj nahīñ miltī hai ḳhum ke bhaav talchhaT bhī
is par turra ye hai ki saaqī nashtar-e-ta.an chubhote haiñ

saaqī mujhe shabāb kā rasiyā kahe so huuñ
maiñ ḳhud se be-niyāz huuñ jaisā kahe so huuñ

sāqi-e-gulfām bā-sad ehtimām aa hī gayā
naġhma bar lab ḳhum ba sar baada ba jaam aa hī gayā

ik dūsrī botal aane tak ye durd-e-tah-e-sāġhar hī sahī
aur tishna-e-mai betāb na ho saaqī ko nadāmat hotī hai