Tags-Saqi

milā hai saaqī to raushan huā hai ye mujh par
ki hazf thā koī TukḌā mirī kahānī kā

nazar uThā ke kahā mai-kade meñ saaqī ne
vo kaun hai jo yahāñ pārsā abhī tak hai

vaqt-e-ravā-ravī hai uThe qāfila ke log
saaqī chale piyāla jahāñ tak ki bas chale

saaqī nahīñ hai sāġhar-e-mai kī hameñ talab
āñkheñ hī terī dekh ke behosh ho ga.e

jaam labrez huā hai kisī mahjūr kā aaj
bū-e-ḳhūñ aatī hai saaqī tire paimāne se

kaifiyyat se kabhī ḳhālī nahīñ dil mastoñ kā
hū-ba-hū miltā hai saaqī tire paimāne se

mast ko girne de saaqī
haañ us ke shā.er ko sambhāl

saaqī sāġhar bhar de jald
Dhaal nigāhoñ se bhī Dhaal

tum ne kuchh saaqī kī kal dekhī adā
mujh ko sāġhar-e-mai kā chhalkā kar diyā

sāġhar surāhī jaam pyāla bhī mast mast
saaqī bhī mast mast hai sahbā bhī mast mast

mai-e-shabāna kī mastī to ho chukī lekin
khaTak rahā hai diloñ meñ karishma-e-sāqī

taḳhrīb ke parde meñ hī ta.amīr hai saaqī
shīsha koī pighlā hai to paimāna banā hai

piite haiñ sharāb mā-badaulat
saaqī bat-e-mai nahīñ humā hai

na vaa.iz hajv kar ek din duniyā se jaanā hai
are muñh sāqi-e-kausar ko bhī āḳhir dikhānā hai

saaqī tirī sharāb jo shīshe meñ thī paḌī
sāġhar meñ aa ke aur bhī sāñche meñ Dhal ga.ī

thā bad-sharāb saaqī kitnā ki raat mai se
maiñ ne jo haath khīñchā un ne kaTār khīñchā

dekh saaqī rahe ḳhālī na tirā koī subū
jaam haiñ dast-e-balā-nosh meñ aane vaale

shāḳhoñ kī lachak har fasl meñ hai saaqī kī jhalak har rañg meñ hai
sāġhar kī khanak har zarf meñ hai maḳhmūr to ho sarshār to ho

band haiñ sab mai-kade saaqī bane haiñ mohtasib
ai garajtī gūñjtī kaalī ghatāo chup raho

tire qurbān saaqī ab vo mauj-e-zindagī kaisī
nahīñ dekhī adā-e-laġhzish-e-mastāna barsoñ se