Tags-Saqi

jis pe ho saaqī ba-zom-e-hosh-mandī bhī fidā
us mukammal be-ḳhudī kī justujū karte raho

saaqī sharāb-e-ashk hai yaañ jām-e-chashm meñ
ehsān uThā.eñ kyuuñ mai o sāġhar ke vāste

badal ga.ī hai nigāh-e-sāqī to rañg-e-mahfil badal gayā hai
na ab vo pahlī sī mai-kashī hai na vo mazā ab sharāb meñ hai

havas hogī asīr-e-halqa-e-nek-o-bad-e-ālam
mohabbat māvarā-e-fikr-e-nañg-o-nām hai saaqī

mubārak ho za.īfī ko ḳhirad kī falsafa-rānī
javānī be-niyāz-e-ibrat-e-anjām hai saaqī

zamāna barsar-e-paikār hai pur-haul sho.aloñ se
tire lab par abhī tak naġhma-e-ḳhayyām hai saaqī

haqīqat-āshnā.ī asl meñ gum-karda raahī hai
urūs-e-āgahī parvurda-e-ib.hām hai saaqī

mire sāġhar meñ mai hai aur tire hāthoñ meñ barbat hai
vatan kī sar-zamīñ meñ bhuuk se kohrām hai saaqī

aqā.ed vahm haiñ maz.hab ḳhayāl-e-ḳhām hai saaqī
azal se zehn-e-insāñ basta-e-auhām hai saaqī

vahāñ bhejā gayā huuñ chaak karne parda-e-shab ko
jahāñ har sub.h ke dāman pe aks-e-shām hai saaqī

abhī tak rāste ke pech-o-ḳham se dil dhaḌaktā hai
mirā zauq-e-talab shāyad abhī tak ḳhaam hai saaqī

bhar ke saaqī jām-e-mai ik aur lā aur jald lā
un nashīlī añkhḌiyoñ meñ phir hijāb aane ko hai

baaqī hai abhī talḳhi-e-zahrāb laboñ par
hai phir lab-e-sāqī pe salā jāniye kyā ho

kaho bāda-kasho kyā haal hai faizān-e-sāqī kā
kabhī mahfil meñ daur-e-jām-o-paimāna bhī aatā hai

dekh kar tañg-dilī bazm meñ saaqī kī 'safīr'
riñd bhī jur.at-e-nākām tak aa pahuñche haiñ

chashm-e-sāqī meñ hai jis din se mirā shīsha-e-dil
ālam-e-kār-gah-e-shīsha-garāñ raqs meñ hai

mai barastī hai fazāoñ pe nasha taarī hai
mere saaqī ne kahīñ jaam uchhāle hoñge

ab mohabbat ke parastār kahāñ ai saaqī
sab mohabbat ke ḳharīdār nazar aate haiñ

nigah be-his ḳhat-e-sāġhar kī sūrat hai ki saaqī ne
diyā hai mardum-e-chashm-e-jahāñ ko jaam hairat kā

vahī haiñ qatl-o-ġhārat aur vahī kohrām hai saaqī
tamaddun aur maz.hab kī ye ḳhūnī shaam hai saaqī