Tags-Saqi

faqīr-e-rāh ko baḳhshe ga.e asrār-e-sultānī
bahā merī navā kī daulat-e-parvez hai saaqī

digar-gūñ hai jahāñ tāroñ kī gardish tez hai saaqī
dil-e-har-zarra meñ ġhauġhā-e-rustā-ḳhez hai saaqī

nahīñ hai nā-umīd 'iqbāl' apnī kisht-e-vīrāñ se
zarā nam ho to ye miTTī bahut zarḳhez hai saaqī

na uTThā phir koī 'rūmī' ajam ke lāla-zāroñ se
vahī āb-o-gil-e-īrāñ vahī tabrez hai saaqī

haram ke dil meñ soz-e-ārzū paidā nahīñ hotā
ki paidā.ī tirī ab tak hijāb-āmez hai saaqī

vahī derīna bīmārī vahī nā-mohkamī dil kī
ilaaj is kā vahī āb-e-nashāt-añgez hai saaqī

bajā.e zahrāb kis ne saaqī bhare haiñ amrit se jām-o-sāġhar
ki log āb-e-hayāt pī kar qazā se pahle hī mar rahe haiñ

un ko āñkheñ dikhā de Tuk saaqī
chāhte haiñ jo baar baar sharāb

mire haath haiñ to lūñgā ḳhud maiñ ab apnā sāqi-e-mai-kada
ḳhum-e-ġhair se to ḳhudā kare lab-e-jām bhī mirā tar na ho

chalā duḳhtar-e-raz ko le kar jo saaqī
farishta hue saath ghar dekhne ko

ab aa ga.e haiñ to pyāse na jā.eñge saaqī
kuchh aaj soch ke ham mai-kade meñ aa.e haiñ

saaqī ko ye ḳhush-fahmī thī ham tak mauj na aa.egī
pyaas kā jab paimāna chhalkā Duub ga.e mai-ḳhāne tak

ḳharāb aks haiñ shīsha-ba-dast kyuuñ saaqī
qusūr-e-bāda-e-jām-e-sifāl pūchhūñgā

sadma-e-be-rahmi-e-sāqī na uTThā bazm meñ
jī bhar aayā dekh kar ḳhālī subū rone lagā

qayāmat tak rahe saaqī salāmat terā mai-ḳhāna
pilā.ī hai kuchh aisī kaif jis kā kam nahīñ hotā

yuuñ na piine meñ basar umr kī har shaam karo
shauq-e-rindī hai to saaqī se nazar aam karo

paḌegā aks jo saaqī kī chashm-e-maigūñ kā
nazar sharāb meñ jām-e-sharāb aa.egā

phirtī haiñ āñkhoñ meñ saaqī shab kī vo kaifiyyateñ
dekhte hī dekhte ḳhvāb-e-pareshāñ ho ga.iiñ

shaġhl-e-mai kab tak ye saaqī āñkheñ jhuk aa.eñ bahut
raat bhīgī aur zulfeñ bhī pareshāñ ho ga.iiñ

zarā āhista le chal kārvān-e-kaif-o-mastī ko
ki sat.h-e-zehn-e-ālam saḳht nā-hamvār hai saaqī