Tags-Sarhad

chaloge saath mire āgahī kī sarhad tak
ye rahguzār utartī hai gahre paanī meñ

chāñd-tāroñ kī chamak ho ga.ī kam so jaao
sarhad-e-sub.h meñ haiñ shab ke qadam so jaao

maiñ huuñ sarhad pe bane ek makāñ kī sūrat
kab talak dekhiye rakhtā hai vo ābād mujhe

raat ke āḳhirī pahar
maiñ ne muqaddas fly kī sarhad pe

phir na.e saal kī sarhad pe khaḌe haiñ ham log
raakh ho jā.egā ye saal bhī hairat kaisī

dā.ere baḌhte ga.e parkār kā muñh khul gayā
vo bhī dāḳhil ho gayā ab sarhad-e-rusvā.ī meñ

justujū sarhad-e-idrāk se aage na baḌhī
do-qadam tai na huā mahala-e-dil tum se

jo tiir andhere se the chale vo sarhad-e-jāñ ko chhū na sake
chaltā thā maiñ jis ke saa.e meñ gardan pe vahī talvār girī

pare hai aaj bhī vo sarhad-e-tasavvur se
maiñ us ko puuj to saktā huuñ pā nahīñ saktā

sarhad-e-jalva se jo aage nikal jā.egī
vo nazar jurm-rasā.ī kī sazā pā.egī

jaane kyā kyā bol rahā thā sarhad pyaar kitābeñ ḳhuun
kal merī nīndoñ meñ chhup kar jaag rahā thā jaane kaun

baad meñ rakhe sarāboñ ke dayāroñ meñ qadam
pahle vo saañs kī sarhad pe to aa kar dekhe

use bhī ab ke bahut ranj-e-nārsā.ī hai
khaḌī hai shahr kī sarhad ke paas tanhā.ī

peḌ kī sūrat khaḌā rahtā hai merī mauj kī sarhad ke paas
mere sar par dhuup ke neze chamakte dekhtā rahtā hai vo

sarhad-e-gul se nikal kar ham judā ho jā.eñge
kal tumhārī qaid-e-ḳhushbū se rihā ho jā.eñge

apnī sarhad kī hifāzat pe hai īmān magar
zindagī aur mohabbat pe jo had hai rad hai

goyā apnī hudūd se baḌh kar
apnī sarhad banā rahā huuñ maiñ

aaj sarhad pe ḳhāmosh topoñ ke hoñToñ pe
papḌī kī tah bhī chaTaḳh kar girī hai

kho na jaanā mirī jaañ sarhad-e-jāñ tak aa ke
qurb kā paas liye buad-e-karāñ meñ aanā

ab us kī yaad ab us kā malāl kaisā hai
nikal gayā jo pare sarhad-e-gumān se vo