Tags-Sawal

ḳhāmushī se savāl merā thā
mujh se pahle zavāl merā thā

'anjum' pe jo guzar ga.ī us kā bhalā hisāb kyā
pūchhe koī savāl kyā lā.eñge ham javāb kyā

qarz bhalā kyā degā koī bhiik bhī milnī mushkil hai
nādāroñ kī is bastī meñ kis se jā ke savāl kareñ

muñh chhupā.e javāb phirte haiñ
sar uThā kar khaḌe hue haiñ savāl

jo kar sakā na kisī taur mutma.in ḳhud ko
savāl uThtā hai mojiz-bayāñ huā to kyā

savāl mab.hūt se khaḌe haiñ ki jaise sīnoñ meñ dil nahīñ haiñ
ufuq ke us paar jā ke dekho shikasta muztar javāb raushan

bole vo kuchh aisī be-ruḳhī se
dil hī meñ rahā savāl apnā

karte haiñ arz-e-vasl pe hāñ-hūñ ajī nahīñ
ya.anī savāl ik hai javābāt saiñkaḌoñ

tum the to zindagī kā na koī savāl thā
ab janm le rahe haiñ savālāt saiñkaḌoñ

tū idhar udhar kī na baat kar ye batā ki qāfila kyuuñ luTā
mujhe rahzanoñ se gilā nahīñ tirī rahbarī kā savāl hai

pūchhtā huuñ javāz-e-kaun-o-makāñ
le ga.ī jur.at-e-savāl kahāñ

mujhe banāyā sarāpā savāl ab to batā
mirī talāsh kamāl-e-surāġh hai ki nahīñ

zarroñ kī tarah ḳhaak meñ haiñ āshiqoñ ke dil
gar tū kare savāl to de rahguzar javāb

kyuuñ sar jhukā rahā hai zarā aañkh to milā
degī mire savāl kā terī nazar javāb

chitvan se taaḌ jaate haiñ 'mā.il' kā mudda.ā
dil meñ idhar savāl hai lab par udhar javāb

kyā hogā ḳhaak ho ke sar-e-charḳh jā.egā
ye zer-e-pā savāl vo bālā-e-sar javāb

jāgte sote ye ḳhayāl aayā
tujh ko sochā to ye savāl aayā

mirī bandagī ke ye mashġhale ki ḳhudā.ī se bhī muāmle
kabhī ḳhud hī dst-e-karīm huuñ kabhī ḳhud hī dast-e-savāl huuñ

use maiñ talāsh kahāñ karūñ vo uruuj hai maiñ zavāl huuñ
ġham-e-mustaqil mirā hal kahāñ vo javāb hai maiñ savāl huuñ

ban chukā hai dil savāl ab kisī ke hijr meñ
is pe lā-javāb haiñ ratjagoñ ke darmiyāñ