Tags-Sawal

tū ne mujh se koī savāl kiyā
kārvān-e-hayāt-e-rafta kyā

merā savāl us ke liye lā-javāb thā
jo kuchh milā javāb meñ ab kyā hai kuchh nahīñ

savāl be-sūd jānte haiñ raheñ na ḳhāmosh to kareñ kyā
evaz meñ bose ke tum se sāhab javāb ham le ke kyā kareñge

vo mujh se tālib-e-bai.at huā hai aur mujhe
junūñ ke haath pe dast-e-savāl rakhnā hai

bhūle se haañ bhī muñh se nikaltā kabhī kabhī
mere har ik savāl pe ye tā-kujā nahīñ

vo ek shaḳhs burā.ī pe tul gayā to chalo
savāl ye hai ki ham bhī kahāñ farishte the

zamīn roz ye mujh se savāl kartī hai
tumhāre sar pe rahegā ye āsmāñ kab tak

mirī udāsī mire kaam aa sakī na kabhī
bas ab savāl bhī karne kā hausla nahīñ hai

jis kā apnā nahīñ javāb koī
us ke aage savāl rakkhā hai

chup the jo but savāl ba-lab bolne lage
Thahro ki qaus-e-barq-o-lahab bolne lage

sadā-e-dil ko kahīñ bāryāb honā thā
mire savāl kā kuchh to javāb honā thā

mohr thī mire nutq par tere laboñ kī naġhmagī
varna javāb the chhupe tere har ik savāl meñ

kiyā savāl maiñ 'bedār' se ki ai mahjūr
kabhī bhī tū ne bhalā vasl-e-dil-sitāñ dekhā

mujhe kar gayā jo tahī tahī bhare shahr meñ
vo mirā hī dast-e-savāl thā ye pata na thā

mahzar liye junūñ meñ savāl-o-javāb kā
parda sā ek dīda-e-ġhammāz se uThā

ham us savāl kā ab tak javāb de na sake
jo ik 'figār' kī pur-ashk chashm-e-yās meñ thā

ai 'alīmullāh' na kar kaj-bahas suuñ svaal o javāb
hāsilā tarfain nahiñ hotā ba-juz ġhauġhā pukār

pūchhtā aayā huuñ jo kuchh svaal kā mere javāb
thartharātā hai abas sīmāb namne be-qarār

kuchh ishq ke nisāb meñ kamzor ham bhī haiñ
kuchh parcha-e-savāl bhī āsān chāhiye

kartā huuñ jo baar baar bosa-e-ruḳh kā savāl
husn ke sadqe se hai mujh ko gadā.ī kā ishq