Tags-Saya

vo jo ḳhud apne badan ko sā.ebāñ kartā nahīñ
kyuuñ na pachhtā.e ki saaya āsmāñ kartā nahīñ

safar ye dhuup kā ab ḳhatm hone vaalā hai
chalegā saath mire koī saaya saaya kab

ga.ī jo dhuup to ab chāñdnī kī baarī hai
ki saath chhoḌegā merā ye kaalā saaya kab

yahāñ daraḳht the saaya thā kuchh dinoñ pahle
ajiib ḳhvāb sā dekhā thā kuchh dinoñ pahle

jahāñ meñ kis ko gavārā huī hai fikr kī dhuup
har ik, koī shajar-e-sāya-dār māñge hai

ye ḳhayāl aane lagā hai kis tavaqqo par tumheñ
raah meñ har peḌ sāya-dār honā chāhiye

kyā yahī mahdūd paikar hī haqīqat hai mirī
sochtā huuñ din Dhale ab apnā saaya dekh kar

udāsī ghanī aur gahrī udāsī kā saaya
shagūfoñ kī sargoshiyāñ

tamām dahr pe sāya-fagan ye raat jise
kiyā hai maiñ ne muqaddar ḳhayāl-e-ġhamgīñ kā

chāñdnī-rātoñ meñ aksar us galī ke moḌ par
chauñk uThtā hai koī apnā hī saaya dekh kar

dastakeñ detā hai paiham dar-e-dil par koī
ek saaya mujhe nīñdoñ se jagā detā hai

saaya roke hue hai raah safar
tum ye dīvār kab girāoge

ḳhizāñ kī vo sard raat bhī maiñ ne ghar se bāhar guzār dī thī
ki mere bistar pe laash ban kar mirā hī saaya paḌā huā thā

koī saaya bhī na sahme hue ghar se niklā
ham ne TuuTī huī dahlīz ko aksar dekhā

saaya hai kam khajūr ke ūñche daraḳht kā
ummīd bāñdhiye na baḌe aadmī ke saath

saaya thā bhāgtā thā bahut merī dhuup se
vo shaḳhs ki jo mere gale se chimaT gayā

jis taraf bhī dekhiye saaya nahīñ
phir bhī gulshan hai koī sahrā nahīñ

tum nahā lo jald varna rashk se mar jā.ūñgā
dam meñ ab saaya sar-e-dīvār-e-hammām aa.egā

ḳhuub ro.e chhup ke ghar kī chār-dīvārī meñ ham
hāl-e-dil kahne ke qābil koī ham-sāya na thā

duur tak chhā.e the bādal aur kahīñ saaya na thā
is tarah barsāt kā mausam kabhī aayā na thā