Tags-Saya

nahīñ tanhā.ī-e-zindāñ mukammal
mujhe saaye se vahshat ho rahī hai

chaltā-phirtā saaya bhī
ab na milegā jañgal meñ

TuuT ke saaya peḌoñ se
raqs karegā jañgal meñ

baap kā saaya to bachpan hī meñ uTThā thā magar
shaiḳh milte haiñ ba-andāz-yatīmāna abhī

hai jo uftādoñ se kuchh nafrat to nafrat hī sahī
kyuuñ zamīñ par gir paḌā saaya terī dīvār kā

kyuuñ nahīñ girtā mire āfat-zadoñ par haa.e haa.e
āsmāñ bhī hai magar saaya tirī dīvār kā

abr kā TukḌā ho jaise chāñd par Thahrā huā
yuuñ tire mukhḌe pe zulfoñ kā ghanā saaya huā

maiñ bhī saaya huuñ siyah raat meñ kho jā.ūñgā
tum bhī ik ḳhvāb ho pal-bhar meñ bikhar jāoge

ruuh kā lambā safar hai ek bhī insāñ kā qurb
maiñ chalā barsoñ to un tak jism kā saayā gayā

haañ mere ḳhvāboñ ko tumhārī sub.hoñ kī sard aur sāya-gūñ tābīroñ se nafrat hai
in sub.hoñ ne shaam ke hāthoñ ab tak jitne sūraj beche

ajab hai raushnī tārīkiyoñ sī
ki maiñ huuñ aur mirā saaya nahīñ hai

saaya bhī bhāgtā hai jahāñ apnī zaat se
vo hai sarāb dasht-e-tamannā kaheñ jise

ḳhudā se jab bhī kaḌī dhuup kī shikāyat kī
to merī raah meñ ek peḌ sāya-dār aayā

jamhūriyat kā dars agar chāhte haiñ aap
koī bhī sāya-dār shajar dekh lījiye

baiThā hī rahā sub.h se meñ dhuup Dhale tak
saaya hī samajhtī rahī dīvār mujhe bhī

ye saaya kab talak saaya rahegā
kahāñ tak peḌ sūraj se laḌeñge

ham donoñ apne apne gharoñ meñ muqīm haiñ
paḌtā nahīñ daraḳht kā saaya daraḳht par

dekhā na jaa.e dhuup meñ jaltā huā koī
merā jo bas chale karūñ saaya daraḳht par

shāyad kisī balā kā thā saaya daraḳht par
chiḌiyoñ ne raat shor machāyā daraḳht par

fursat jo ho to khul ke baras merī ḳhaak par
ban jā.ūñ maiñ bhī ek shajar sāya-dār sā