Collections

Lab Shayari

Motivational Ghazals

Best Khamoshi Shayari

More Collections

Tags-Saya

sāya-e-har-shajar meñ thā reñgte lamhoñ kā hujūm
ḳhaam ḳhayāl-e-gardish-e-lail-o-nahār kis ko thā

mausam-e-sang-o-rang se rabt-e-sharar kis ko tha

ham apnī dhuup meñ baiThe haiñ 'mushtāq'
hamāre saath hai saaya hamārā

hum apni dhup mein baiThe hain mushtaq

saaya bhī band muTThī meñ rakhtā hai bhīñch kar
ūñchā sā ye daraḳht nihāyat baḳhīl hai

KHush-fahmiyon ke khel ki ab kya sabil hai

raat ugaltā rahtā hai vo ek baḌā saaya
chhoTe chhoTe saa.e jo har shaam nigaltā hai

chhup jata hai phir suraj jis waqt nikalta hai

saaya hai gahrī chup kā akele makān par
dil mutma.in bahut hai magar is gumān par

sitare ka guman

rāste meñ kahīñ saaya jo mile
umr bhar ke liye so jaanā hai

jangalon mein kahin kho jaana hai

ab ham ko shafqatoñ kī ghanī chhāñv kyā mile
jitne the sāya-dār shajar saare kaT ga.e

aisi nahin hai baat ki qad apne ghaT gae

jaane kis moḌ pe kho jaa.e andhere meñ kahīñ
vo to ḳhud saaya hai jo raah dikhātā hai mujhe

kaun tanhai ka ehsas dilata hai mujhe

chāñdnī jhāñktī hai galiyoñ meñ
koī saaya makān se niklā

aag ke darmiyan se nikla

insān kī fitrat kā ajab haal hai yaaro
kuchh peḌ ghane hote haiñ saaya nahīñ karte

gham ho ki KHushi koi tamasha nahin karte

qarīb aa ke bhī ḳhvāboñ kī kho ga.iiñ kirneñ
ki mujh se aage mirā bad-nasīb saaya thā

guzishta raat koi chand ghar mein utra tha

fikr aa jaatī hai tarsīl ke sūraj ke tale
jab koī saaya nikaltā hai ġhazal hotī hai

KHun jab ashk mein Dhalta hai ghazal hoti hai

koī image kisī baat kā hasīñ saaya
na.e purāne ḳhayāloñ kā ik achhūtā mel

KHamushi

sub.h-e-azal kā ruup ki shām-e-abad kā giit
saaya ho dhuup ho ki gumāñ kuchh na kuchh to ho

subh-e-bahaar-o-sham-e-KHizan kuchh na kuchh to ho

raushnī ko rañg kar ke le ga.e jis raat log
koī saaya mere kamre meñ chhupā rotā rahā

mere sine par wo sar rakkhe hue sota raha

mil gayā miTTī meñ jab 'afzal' to ye aa.ī sadā
gir ga.ī dīvār aur saaya akelā ho gayā

main faqat is jurm mein duniya mein ruswa ho gaya

har sub.h pe saaya sā hai kuchh talḳhī-e-shab kā
har shaam ko andesha-e-fardā hai koī aur

sanson mein rag-o-pai mein samaya hai koi aur

vo burā vaqt ki jab saath na ho saaya bhī
ham ne hañs hañs ke ka.ī baar guzārā bhī hai

jaan ka dushman hai magar jaan se pyara bhi hai

apne iqrār pe qaa.em na vo inkār pe hai
kis parī-zād kā saaya mire dildār pe hai

apne iqrar pe qaem na wo inkar pe hai

agar ye maut kā saaya nahīñ to phir kyā hai
qadam qadam pe bulātā huā sā kuchh to hai

kachoke dil ko lagata hua sa kuchh to hai