Tags-Saya

tamām umr jhulastā rahā maiñ sahrā meñ
kahīñ shajar nazar aayā na sāya-dār mujhe

bahut tavīl añdheroñ kā hai safar 'tāhir'
kahīñ jo dhuup kā saaya mile to ruk jā.ūñ

sūkhe shajar ko pheñk duuñ kaise nikāl kar
detā rahā hai saaya shajar jo kabhī mujhe

hai nau-javānī meñ zo.af-e-pīrī badan meñ ra.asha kamar meñ ḳham hai
zamīñ pe saaya hai apne qad kā ki jāda-e-manzil-e-adam hai

ab jo apnā saaya DhūñDhtā phirtā hai
jā nikle the bhuul ke ham ik manzar meñ

girtī huī dīvār kā saaya na batāo
phir se na.ī dīvār uThāo to bane baat

zard chaTāneñ kaaT rahā huuñ sahrā meñ
gard kī chādar phailā kar saaya kar de

zīnat-e-sāya-e-dīvār-e-makāñ merā gumāñ
aur koī bhī nahīñ sāya-nashīñ tū bhī nahīñ

maiñ sirf saaya huuñ apnā magar ye zid hai mujhe
ki apne-āp ko ḳhud se alag shumār karūñ

shāyad koī kamī mere andar kahīñ pe hai
maiñ āsmāñ pe huuñ mirā saaya zamīñ pe hai

jab bhī vo āsmāñ-janāb aa.e
saaya kartā huā sahāb aa.e

vo kirnoñ se bharī do-pahriyāñ ab yaad aatī haiñ
fatāda barg uThānā saaya ik ashjār par rakhnā

nañg-e-ehsās hai andoh-e-ġharīb-ul-vatanī
kam nahīñ gard-e-rah-e-shauq kī sāya-faganī

mirī tanhā.iyoñ ko kaun samjhe
maiñ saaya huuñ magar ḳhud se judā huuñ

ye tishnagiyāñ kal bhī thiiñ aur aaj bhī 'zaidī'
us hoñT kā saaya bhī mire kaam na aayā

kyā chīḳhtī havāoñ se ahvāl pūchhtā
saaya hī yādgār mire ham-safar kā thā

baap ziina hai jo le jaatā hai ūñchā.ī tak
maañ duā hai jo sadā sāya-fagan rahtī hai

bārhā ThiThkā huuñ ḳhud bhī apnā saaya dekh kar
log bhī katrā.e kyā kyā mujh ko tanhā dekh kar

vo baḌā thā phir bhī vo is qadar be-faiz thā
us ghanere peḌ meñ jaise koī saaya na thā

thā sāya-fagan jis pe koī fat.h kā parcham
vo laash bhī be gor-o-kafan yaad rahegī