Tags-Saya

bachātā hai kahāñ ye dopahar kī dhuup se ham ko
yuuñ kahne ko yahāñ dīvār kā saaya bahut kuchh hai

huā ham pe ab jin kā saaya harām
thī un bādaloñ se kabhī dostī

maiñ apne gumbad kā makīñ saaya sā dekhā Dar gayā
ab kyā bitā.ūñ kyā sunā jab maiñ ne pūchhā kaun hai

jis vaqt nazar aayā tirī zulf kā saaya
us vaqt kahā dil ne yahāñ chhāñv ghanī hai

kab tak kaḌaktī dhuup meñ āñkheñ jalā.eñ ham
saaya dikhā.ī de to kahīñ baiTh jaa.eñ ham

lage haiñ baḌhne nazar nazar meñ fahāshiyoñ ke tamām sapne
saroñ pe sāya-fagan thī kal tak ridā hayā kī simaT rahī hai

kisī kī zulf kā saaya talāsh kar varna
'asar' guzar na sakegī ye zindagī tanhā

dekhā na ham ne yaañ bhī shajar koī sāya-dār
ya.anī dayār-e-ishq bayābāñ se kam na thā

chāñd us kā āsmāñ us kā sar-e-shām-e-visāl
jis pe saaya ho tirī zulf-e-sitāra-gīr kā

vo tum tak kaise aatā
jism se bhārī saaya thā

kahāñ kahāñ liye phirtī hai zindagī ab tak
maiñ us jagah huuñ jahāñ dhuup hai na saaya hai

rifāqat ko mirī tanhā.ī bhūlī-bisrī yādoñ se
koī saaya uThā laa.ī koī chehra uThā laa.ī

haa.e mirī jabīn se sajde ke daaġh dhul ga.e
sar pe paḌā huā thā jo saaya sahāb ho gayā

ye hasad hai ki mohabbat kī ijāra-dārī
darmiyāñ apnā bhī saaya nahīñ dekhā jaatā

zindagī kis shajar kā saaya hai
maut kis dasht kī masāfat hai

mujh se milne shab-e-ġham aur to kaun aa.egā
merā saaya hai jo dīvār pe jam jā.egā

jamte hue ġhubār kā saaya na sar pe rakh
ai 'qaus' uḌtī gard kī dīvāriyat na dekh

huā jaatā huuñ gaz saaya pe paḌtī hai nazar merī
terī saj dekh kar ahbāb jiite haiñ sajan kyuuñ kar

kyuuñ log mazāroñ pe duā maañg rahe the
mujh par kisī aaseb kā saaya bhī nahīñ thā

is baar phuul dhuup se nārāz the aziiz
sāya-farosh jitne bhī the be-hunar ga.e