English
Favourite
Favourite
UrduShayarUrduShayar
Expand menu
Sign inAccount

Tags-Sayyad

tere hī dil kā agar gosha qafas hai sayyād
phir to hargiz mujhe is qaid se āzād na kar
Ghazal
 toD kar shisha-e-dil ko mere barbaad na kar
huuñ vo barbād ki qismat meñ nasheman na qafas
chal diyā chhoḌ kar sayyād tah-e-dām mujhe
Sher
 hun wo barbaad ki qismat mein nasheman na qafas
qafas meñ Dālegā kis kis ko āḳhir ai sayyād
asīr-e-dām-e-vafā sau nahīñ hazār nahīñ
Ghazal
 ghalat ki hijr mein hasil mujhe qarar nahin
huuñ maiñ pāband-e-ulfat-e-sayyād
kab mujhe bāġh-o-bostāñ hai yaad
Ghazal
 na gham-e-dil na fikr-e-jaan hai yaad
udaas dekh ke mujh ko chaman dikhātā hai
ka.ī baras meñ huā hai mizāj-dāñ sayyād
Sher
 udas dekh ke mujhko chaman dikhata hai
rakhtā hai yuuñ vo zulf-e-siyah-fām dosh par
sayyād jis tarah se dhare daam dosh par
Ghazal
 rakhta hai yun wo zulf-e-siyah-fam dosh par
aa gayā ḳhatm pe sayyād tirā daur-e-fusūñ
ab to daana bhī nahīñ hai qafas-o-dām ke saath
Ghazal
 kyun na ho zikr mohabbat ka mare nam ke sath
is tarah sayyād kab āzād chhoḌegā tumheñ
bulbulo dhūmeñ machā lo ye gulistāñ phir kahāñ
Ghazal
 umr aaKHir hai junun kar lun bahaaran phir kahan
hameñ vāsta aise sayyād se hai
ki jo said rakhtā hai āzād kar ke
Ghazal
 jiye ja raha hun tujhe yaad kar ke
log hāthoñ meñ liye baiThe haiñ apne pinjre
aaj sayyād ko mahfil meñ bulā lo yaaro
Ghazal
 ye jo shahtir hai palkon pe uTha lo yaro
ye ai sayyād rah rah kar chamaktī hai kahāñ bijlī
jahāñ merā nasheman thā vahīñ ma.alūm hotī hai
Ghazal
 zamin mai-kada-e-arsh-e-barin malum hoti hai
na chhoḌ said-e-mohabbat ko ḳhaak par sayyād
use bhī Daal le tū dosh par kamāñ kī tarah
Ghazal
 pukarti hai KHamoshi meri fughan ki tarah
go kuhan-dām haiñ ham ai sayyād
lek anqā shikār karte haiñ
Ghazal
 aap jo kuchh qarar karte hain
phir to DhūñDā bhī nahīñ miltā koī murġh-e-chaman
ghar agar sayyād kā hotā kisī gulshan ke paas
Ghazal
 teri ye zulfen nahin tere ruKH-e-raushan ke pas
said ḳhā.if vo hoñ is said-gah-e-ālam meñ
apne saa.e ko samajhtā huuñ ki sayyād aayā
Sher
 said KHaif wo hon is said-gah-e-alam mein
adū sayyād gulchīñ kyuuñ ho mere nasheman ke
ye tinke bhī haiñ is qābil jinheñ barbād karte haiñ
Ghazal
 chaman ka zikr kya ab to KHuda ko yaad karte hain
asīrān-e-qafas ḳhud bhī bahut kuchh kah guzarte haiñ
chaman ke tazkire aapas meñ jab sayyād karte haiñ
Ghazal
 chaman ka zikr kya ab to KHuda ko yaad karte hain
chaman kā zikr kyā ab to ḳhudā ko yaad karte haiñ
ḳhushī sayyād ko hotī hai jab fariyād karte haiñ
Ghazal
 chaman ka zikr kya ab to KHuda ko yaad karte hain
daur āzādī-e-gulshan kā bahut yaad aayā
mere hisse ke jo sayyād ne daane badle
Ghazal
 tir pe tir nishanon pe nishane badle
jise sayyād ne kuchh gul ne kuchh bulbul ne kuchh samjhā
chaman meñ kitnī mānī-ḳhez thī ik ḳhāmushī mirī
Sher
 jise sayyaad ne kuchh gul ne kuchh bulbul ne kuchh samjha
Top Urdushayar.com