Tags-Sayyad

ham ko phañsnā thā qafas meñ kyā gila sayyād kā
bas taraste hī rahe haiñ aab aur daane ko ham

abhī kuchh der hai sayyād bahār aane meñ
aur do roz qafas se mujhe āzād na kar

daad le chhoḌūñ maiñ sayyād se apnī lekin
zo.af se mere ta.iiñ tāqat-e-faryād nahīñ

ek parvāz ko bhī ruḳhsat-e-sayyād nahīñ
varna ye kunj-e-qafas baiza-e-faulād nahīñ

dasht-e-vahshat meñ hamārā ab huā hai būd-o-bāsh
sar phirāne ko abas sayyād kartā hai talāsh

sayyād-e-gul-ezār dikhātā hai sair-e-bāġh
bulbul qafas meñ yaad kare āshiyāna kyā

sayyād asīr-e-dām-e-rag-e-gul hai andalīb
dikhlā rahā hai chhup ke use dām-o-dāna kyā

hamārī laash gulistāñ meñ dafn kar sayyād
chaman se duur koī nauha-ḳhvāñ rahe na rahe

ain fasl-e-gul meñ hī sayyād-e-be-parvā ne aah
das ke par katre to kiiñ āñkhoñ meñ das kī tīliyāñ

sayyād is asīrī pe sau jaañ se maiñ fidā
dil-bastagī qafas kī kahāñ āshiyāne meñ

tā.er-e-rūh ne parvāz kī dekh ai sayyād
tū gayā le ke qafas jab dar-e-zindāñ ke qarīb

huuñ giraftār-e-kamīñ-gāh-e-taġhāful ki jahāñ
ḳhvāb sayyād se parvāz-e-girānī māñge

bandagī ko qaid se āzād hote dekhiye
par-shikasta said ko sayyād hote dekhiye

kaaT kar par mutma.in sayyād be-parvā na ho
ruuh bulbul kī irāda rakhtī hai parvāz kā

nazar se sayyād duur ho jā yahāñ tirā mujh pe bas nahīñ hai
chaman ko barbād karne vaale ye āshiyāñ hai qafas nahīñ hai

hazār baar bahār aa.ī lekin ai sayyād
nigāh ham taraf-e-bostāñ uThā na sake

asīrān-e-qafas sehn-e-chaman ko yaad karte haiñ
bhalā bulbul pe yuuñ bhī zulm ai sayyād karte haiñ

qafas meñ ab to ai sayyād apnā dil taḌaptā hai
bahār aa.ī hai murġhān-e-chaman fariyād karte haiñ

kuchh der guzartī hai ki ai bulbul-e-nāshād
sayyād se naḳhchīr hue bin na rahā jaa.e

saikḌoñ tūtī-zabāñ haiñ yaañ asīr-e-dām-e-ġham
ḳhāna-e-sayyād aur ye gumbad-e-gardāñ hai ek