Tags-Shaam

kis ne māñgī thī sar-e-shām duā mere liye
aaj kī raat tujhe chāñd na tanhā dekhe

apne bachchoñ ko duā detā huuñ ye shaam o sahar
merī hī tarah ye duniyā tumheñ hañstā dekhe

shahzāda shahzādī rasta bhuul ga.e
raah meñ ho ga.ī shaam kahānī ḳhatm huī

mirī nigāhoñ pe jis ne shaam o sahar kī ra.anā.iyāñ likhī haiñ
usī ne merī shaboñ ke haq meñ ye karb-āsā.iyāñ likhī haiñ

guzarte din ke dukhoñ kā pata to detā thā
vo shaam Dhalne se pahle sadā to detā thā

qadam qadam pe ujāloñ kā ehtimām karo
ki chalte chalte kahīñ shaam Dhal bhī saktī hai

jab tak koī aa.e na lab-e-bām nikhar kar
rañg-e-shafaq-e-shām nikhartā hī nahīñ hai

kaav kāv-e-saḳht-jānī hā.e-tanhā.ī na pūchh
sub.h karnā shaam kā laanā hai jū-e-shīr kā

hamārī uryāñ hathelī pe ab bhī shām-o-sahar
ye kaun hai jo guhar āñsuoñ ke rakhtā hai

nazar hai din ke chamakte libās par sab kī
qabā-e-shām ke paivand kaun gintā hai

phir bisāt-e-ḳhvāb uThā.ī aur ojhal ho ga.e
shaam kā manzar hameñ hamvār karnā paḌ gayā

shām-e-vatan kuchh apne shahīdoñ kā zikr kar
jin ke lahū se sub.h kā chehra nikhar gayā

gul huī jaatī hai afsurda sulagtī huī shaam
Dhul ke niklegī abhī chashma-e-mahtāb se raat

har shaam saath laatī hai ik chaudhvīñ kā chāñd
kyā jāneñ kyā kareñgī ye rāteñ shabāb kī

safar kī shaam mirī zindagī ke māthe par
bas ik sitāra tire nuur āstāne kā

āḳhirī baar maiñ kab us se milā yaad nahīñ
bas yahī yaad hai ik shaam bahut bhārī thī

par manzar-e-ġhurūb bahut dil-nashīñ hai kyuuñ
maġhrib kī shaam apnī sahar se hasīñ hai kyuuñ

tumhāre qurb kī saa.at meñ yuuñ huā mahsūs
ki jaise silsila-e-sub.h-o-shām TuuT gayā

kise dimāġh junūñ kī mizāj-pursī kā
sunegā kaun guzartī hai shām-e-ġham jaise

charāġh-e-sub.h se shām-e-vatan kī baat karo
jo raah meñ hai abhī us karan kī baat karo