Tags-Shaam

sukūt-e-shām se ghabrā na ai shafaq-tābī
rukā rahegā bhalā shab kā qāfila kab tak

dil le ke palkeñ phir ga.iiñ zulfoñ kī aaḌ meñ
ulTe phirī ye fauj sar-e-shām luuT ke

sair-chashmī diid ke bhūkoñ kī dekho kahtī hai
mah panīr-e-shām hai ḳhurshīd-e-tābāñ nān-e-sub.h

qurs-e-ḳhur ko dekh kar taskīñ rakh ai mehmān-e-sub.h
tā-dahān-e-shām pahuñchātā hai rāziq nān-e-sub.h

aqab meñ hādisa-e-sub.h-o-shām ke ifrīt
jilau meñ gardish-e-ayyām ke naqīb chale

havā-e-shab se kaho aa.e phir bujhāne ko
charāġh ham ne sar-e-shām phir jalāyā hai

sub.h sunahrī kyuuñ hai itnī shaam meñ itnī laalī kyuuñ hai
vaqt ne shāyad terī aañkh kī shabnam se muñh dhoyā hogā

ik maiñ hī to huuñ rāt-ga.e jāgne vaalā
so jaate haiñ behosh sar-e-shām farishte

shaam hai ek sitāra hai sar-e-charḳh-e-vafā
maañg us vaqt koī dil se duā āhista

ho chukī ḳhatm shām-e-ġham āñkhoñ meñ aa chukā hai dam
ab bhī marīz-e-hijr ko un kā hai intizār kyā

sahtī rahtī huuñ vahshateñ 'mariyam'
sub.h miltī hai mujh ko shaam kī daad

dil ne kī piirī meñ paidā ġhaflat-e-ahd-e-shabāb
sub.h kā bhūlā jo manzil par sar-e-shām aa gayā

mast-e-sahar o tauba-kunāñ shaam kā huuñ maiñ
qaazī ke giraftār nit e.alām kā huuñ maiñ

saudā-e-zulf chīn-e-jabīñ ne miTā diyā
tārāj chīniyoñ ne kiyā aa ke shām-e-zulf

dīvāne ham haiñ gardish-e-lail-o-nahār ke
hai sub.h sub.h rū-e-parī-shām shām-e-zulf

kab husn-e-ārzī pe laTaktī hai sub.h-o-shām
islām par hai ta.an se har-dam salām-e-zulf

na bād-e-dasht-o-bayābāñ na shām-e-ranj-o-balā
lahū se apne jalāte haiñ ham-vatan ke charāġh

hujūm-e-ġham meñ huā thā ye kaun naġhma-sarā
jalī hai tīrgi-e-shām dard ban ke charāġh

zamāna shām-e-balā se savāl kartā hai
kidhar ga.e vo tire daur-e-pur-fitan ke charāġh

sahn meñ aahaT hai koī aur na chhat par chaap hai
shaam hai aur be-dilī kī sīḌhiyoñ par maiñ akelā