Tags-Shaam

ek to shaam rañg rañg phir mire ḳhvāb rañg rañg
aag sī hai lagī huī mere paroñ ke darmiyāñ

vahshat-tarāz thī kashish-e-shām-e-be-kasī
marqad se apne duur charāġh-e-mazār thā

allāh re shām-e-ġham mire dil kī shikastagī
tāroñ kā TūTnā bhī mujhe nāgavār thā

shaam ne din kā saath chhuḌāyā raat ne dasht meñ aan liyā
aise safar meñ rahgīroñ par saañs bhī dūbhar hote haiñ

chhā.ī haiñ mire sar pe siyah-posh ghaTā.eñ
maiñ sub.h meñ bhī shaam ke manzar kī tarah huuñ

luT jā.egī hayāt na thī ye ḳhabar mujhe
ronā paḌegā hijr meñ shām-o-sahar mujhe

guzrā hai ishq hī meñ ye aalam bhī muddatoñ
thī shaam zehn meñ na saverā ḳhayāl meñ

ga.ī rutoñ meñ 'hasan' hamārā bas ek hī to ye mashġhala thā
kisī ke chehre ko sub.h kahnā kisī kī zulfoñ ko shaam likhnā

tum apne chāñd taare kahkashāñ chāhe jise denā
mirī āñkhoñ pe apnī diid kī ik shaam likh denā

kaukab-e-jām-o-subū farsh par Dhalke hoñge
shaam ham anjumanī sub.h bikharne ke liye

jis dil ke daaġh se hameñ thī chashm-e-raushnī
rahtā hai vo to shaam hī se ḳhud bujhā huā

so apne shahr ke raunaq kī ḳhair māñgnā tum
maiñ apne gaañv se ik shaam le ke aa rahā huuñ

shaam jab raat kī mahfil meñ qadam rakhtī hai
bhartī hai maañg meñ sindūr suhāgan kī tarah

shikva-e-hāl-e-shiyah gardish-e-daurāñ se nahīñ
shaam baaqī thī ki jab raat ne gherā mujh ko

yuuñ bhī nahīñ ki shām-o-sahar intizār thā
kahte nahīñ the muñh se magar intizār thā

shaam ho to dostoñ ke saath mai-ḳhāne chaleñ
sub.h tak phir raat ke tāqoñ meñ be-masraf jaleñ

ab bhalā chhoḌ ke ghar kyā karte
shaam ke vaqt safar kyā karte

aur kal shaam
ba.ad-az-safar

chāñd kī raat kā jaadū
shaam Dhale ik aahaT dil meñ hotī hai!

tumheñ jab kabhī mileñ fursateñ mire dil se bojh utaar do
maiñ bahut dinoñ se udaas huuñ mujhe koī shaam udhār do