Tags-Shaam

shaam se aañkh meñ namī sī hai
aaj phir aap kī kamī sī hai

aa ga.ī yaad shaam Dhalte hī
bujh gayā dil charāġh jalte hī

sub.h aatī hai dabe paañv chalī jaatī hai
gher letā hai mujhe shaam Dhale sannāTā

sab ko mahtāb kā dhokā huā mahtābī par
kal sar-e-shām vo mah-rū jo chaḌhā koThe par

saarā din dhuup ke sahrā meñ rahe sargardāñ
shaam hote hī samundar meñ utarnā chāhe

terī manzil hai buland itnī ki har shām-o-sahar
chāñd-sūraj se tire dar ko salām aayā hai

ḳhauf hai din ko dekhe na duniyā ho na taqaddus aap kā rusvā
qasd hai mai-ḳhāne kā jo vaa.iz is ke liye hai shaam munāsib

jab bhī paḌhā hai shaam kā chehra varaq varaq
paayā hai āftāb kā māthā araq araq

aaj sitāre āñgan meñ haiñ un ko ruḳhsat mat karnā
shaam se maiñ bhī uljhan meñ huuñ tum bhī ġhaflat mat karnā

baḌī ajiib hai ye dāstān-e-ishq 'hamesh'
saverā hone se pahle ho goyā shaam shurūa

tū mirī zindagī kī shaam na ban
maiñ tirī sub.h kā ujālā huuñ

sho.ala-e-shauq-e-nā-rasā aur ye qaid-e-jism
ik hisār-e-sub.h-o-shām aur mirā vajūd

be-sabāt sub.h shaam aur mirā vajūd
yahī azaab hai mudām aur mirā vajūd

yahāñ to din ko bhī tārīkiyāñ barastī haiñ
hamārī sub.h se achchhī hai un kī shaam abhī

jahāñ meñ aane ko aa.e to inqalāb bahut
badal sakī na sahar se hamārī shaam abhī

ḳhushī kahāñ ki ḳhushī kā nahīñ maqām abhī
na merī sub.h abhī hai na merī shaam abhī

bahut udaas hai māh-e-tamām kis ke liye
rukī huī hai muñDeroñ pe shaam kis ke liye

chhup chale haiñ ḳhat-e-shab-rañg se ruḳhsār-e-sabīh
din hai kam shaam ke āsār ayaañ saare haiñ

apnī hastī meñ to āsār-e-fanā saare haiñ
shaam ko zarre haiñ aur sub.h ko ham taare haiñ

shabnam-e-tāza hai ye phuul haiñ yā pate haiñ
dekh shāḳh-e-shajar-e-shām se jhaḌtā kyā hai