Tags-Shaam

āḳhirī vaqt hai āḳhirī saañs hai zindagī kī hai shaam āḳhirī āḳhirī
sañg-dil aa bhī jā ab ḳhudā ke liye lab pe hai terā naam āḳhirī āḳhirī

us ne dekhā hai shaam kā manzar
jis ne dekhī hai bekasoñ kī shaam

jab bhī lahrā.egī palkoñ pe tirī yaad kī shaam
dil kī vaadī meñ nayā chāñd utar aa.egā

shaam hote hī vo chaukhaT pe jalā kar sham.eñ
apnī palkoñ pe ka.ī ḳhvāb sulātī hogī

har shaam muzmahil sī saverā bujhā bujhā
tujh se pare jo dekhā yahī ek rañg thā

saiñkaḌoñ marte haiñ sadā phir bhī yaañ
vāqi.a ik shām-o-sahar chāhiye

ujḌī huī bastī kī sub.h o shaam hī kyā
ḳhaak uḌāne vāloñ kā anjām hī kyā

dīda-o-dil bujhe se jaate haiñ
kaisī ġhamnāk shām-e-mātam hai

vaqt-e-shām palkoñ par jhilmilā uTheñ taare
shāmil-e-duā 'anjum' kā bhī naam kar lenā

itnī saarī shāmoñ meñ ek shaam kar lenā
sog chand lamhoñ kā mere naam kar lenā

tanvīr-e-numūd-e-sub.h bhī hai aariz ke damakte jalvoñ meñ
zulfoñ ke machalte saa.e meñ tasvīr-e-savād-e-shām bhī hai

jo tere dayār-e-ruḳh-o-kākul meñ na guzre
vo sub.h nahīñ hai vo mirī shaam nahīñ hai

siskiyāñ bhar ke 'sharar' kaun vahāñ rotā thā
ḳhema-e-ḳhvāb sar-e-shām jahāñ par TuuTā

titliyāñ DhūñDne meñ din kāTeñ
aur jañgal meñ ek shaam kareñ

sipāh-e-shām ke neze pe āftāb kā sar
kis ehtimām se parvar-digār-e-shab niklā

utrā hai merī aañkh meñ bādal kā ik hujūm
har sub.h-o-shām hotī hai barsāt in dinoñ

sahmī hai shaam jaagī huī raat in dinoñ
kitne ḳharāb ho ga.e hālāt in dinoñ

shaam huī aur sūraj ne ik hichkī lī
bas phir kyā thā kosoñ tak sannāTā thā

tum ho ik zinda-e-jāved rivāyat ke charāġh
tum koī shaam kā sūraj ho ki Dhal jāoge

shaam ke aḳhbār ke saath
kisī bhī rañg ke do phūloñ