Tags-Shaam

shaam kā va.ada kiyā aa.e vo aadhī raat ko
jazba-e-dil kī mire tāsīr aadhī rah ga.ī

dekhūñ na vo din ki maiñ minnat-e-ehsān luuñ
shaam mirī ai falak ho na sahar dekhnā

sab apne apne ufuq par chamak ke thoḌī der
mujhe to dāman-e-shām-o-sahar kī gard hue

gardish-e-shām-o-sahar ik nigah-e-mahr tirī
tere is lutf-o-ināyāt se pahle kyā thā

vo dil ki shām-o-sahar jaise pakkā phoḌā thā
vo dil ki jis se hamesha jigar-figār rahā

meñh barastā rahā ka.ī din raat
roz-o-shab sub.h-o-shām lail-o-nahār

kal shaam nahr kī paTrī ke saath saath
maiñ apne nā-tavāñ kandhoñ par

sūraj bhī e'timād ke qābil nahīñ rahā
aayā jo vaqt-e-shām to be-nūr ho gayā

aaj kī shaam kā jo aalam hai
har kisī shaam kā nahīñ hotā

shaam hote hī bujh gayā 'ājiz'
ek muflis kā ḳhvāb thā na rahā

zehn meñ charāġhāñ hai ruuh jagmagā.ī hai
shaam ke dhuñdlakoñ meñ yaad terī aa.ī hai

phuul chehroñ se bhī pyāre to nahīñ haiñ jañgal
shaam ho jaa.e to bastī hī kā rasta achchhā

to phir ye kaun hai nisfunnahār ke hañgām
qayām o raqs kī hālat meñ shaam kartā huā

sar-e-shām luT chukā huuñ sar-e-ām luT chukā huuñ
ki Dakait ban chuke haiñ ka.ī shahr ke sipāhī

shaam utrī hai phir ahāte meñ
jism par raushnī ke ghaav liye

dekh kar insān kī bechārgī
shaam se pahle parinde so ga.e

muntazir kab se hai tāroñ kā samundar terā
shaam se shahr-e-nigārāñ kī tarah vāpas aa

mire sitam kī ḳharāsheñ mire hī chehre par
avadh kī shaam bhī maiñ aur hiroshima bhī maiñ

jamāl-e-sub.h-e-sukūñ shām-e-iztirāb kā rañg
sukūt-e-zard bhī maiñ surḳhī-e-sadā bhī maiñ

din bhar ye ghar meñ sotī hai saḌkoñ pe shaam se bhāgtī hai
āzād tabī.at aisī hai shādī ke naam se bhāgtī hai