Tags-Shaam

be-charāgī ye tirī shām-e-ġharībāñ kab tak
chal tujhe jalte makānoñ kā ujālā de duuñ

aag jañgal meñ bhaḌak jā.egī kal shaam talak
aaj bādal ko adāoñ se lubhāo tum bhī

mujhe har shaam ik sunsān jañgal khīñch letā hai
aur is ke ba.ad phir ḳhūnī balā.eñ raqs kartī haiñ

tire na aane se dil bhī nahīñ dukhā shāyad
vagarna kyā maiñ sar-e-shām sone vaalā thā

safar shabāb kā gar uzr thā to ab sar-e-shām
qazā-e-umr paḌheñ niyyat-e-namāz kareñ

jis meñ na chamakte hoñ mohabbat ke sitāre
vo shaam agar hai to mirī shaam nahīñ hai

abhī se sub.h-e-gulshan raqs-farmā hai nigāhoñ meñ
abhī puurī naqāb ulTī nahīñ hai shām-e-sahrā ne

ajiib baat hai din bhar ke ehtimām ke ba.ad
charāġh ek bhī raushan huā na shaam ke ba.ad

muntazir āñkheñ firāq-e-yār meñ pathrā ga.iiñ
sub.h kā bhūlā palaT kar ghar jo shaam aayā to kyā

aaj vīrāniyoñ meñ mirā dil nayā silsila chāhtā hai
shaam Dhalne ko hai zindagī kī ḳhudā aur kyā chāhtā hai

sub.h dekhī hai 'habīb' aur dopahar
aa.ī ab to zindagī kī shaam hai

ruuh par ik kaif ban kar chhā ga.ī
yaad se mahkī huī jo shaam hai

din sunahrā hai to apne aap se mil lo zarūr
shām-tā-shab to faqat takiya bhigonā chāhiye

vo chāñd kah ke gayā thā ki aaj niklegā
to intizār meñ baiThā huā huuñ shaam se maiñ

1
ye shaam ik ā.īna-e-nīl-gūñ ye nam ye mahak

zulf thī jo bikhar ga.ī ruḳh thā ki jo nikhar gayā
haa.e vo shaam ab kahāñ haa.e vo ab sahar kahāñ

shām-e-ġham aur sitāroñ ke sivā
jī sake ham na sahāroñ ke sivā

vo safar ko apne tamām kar, ga.ī raat ā.eñge lauT kar
ye 'nasīm' maiñ ne sunī ḳhabar to maiñ shaam hī se sañvar ga.ī

ḳhushī bhī kis ne kahā vaj.h-e-ġham nahīñ hotī
batā vo shaam jo shām-e-alam nahīñ hotī

shām-e-tarab ke lamho is ko mat āvāzeñ diyā karo
raat ne apne sar par ġham kā bojh uThāyā hotā hai