Tags-Shaam

bas-ki us but kī tabī.at hai zamāne se ḳhilāf
sub.h poshāk siyah hai to sar-e-shām safed

huī jo sub.h to ashkoñ se jagmagā uTThī
jo aa.ī shaam to yādoñ se mushk-bār ga.ī

ḳhalvat-e-ummīd meñ raushan hai ab tak vo charāġh
jis se uThtā hai qarīb-e-shām yādoñ kā dhuāñ

shaam hote hī bastiyoñ se duur
saa.e sāyoñ se bolte bhī haiñ

2
kal sar-e-shām dushman ne aate hue

din-bhar ḳhvāb nazar aate haiñ mahloñ ke
shaam Dhale fōt-pāth pe bistar lagtā hai

miTā gayā thā lahū ke sabhī nishāñ qātil
magar jo shaam Dhalī sab charāġh jalne lage

din raat kā farq un kī mohabbat meñ hai ab to
va.ada to kiyā shaam kā aur aa.e sahar ko

paḌā huā huuñ shaam se maiñ isī bāġh-e-tāza meñ
mujh meñ shāḳh nikal aa.ī hai raat kī raanī kī

vo ḳhvāb shām-e-hijr meñ sahar kī aas thā mujhe
magar vo tere vasl kī khulī amaan meñ nahīñ

kaav kāv-e-saḳht-jānī hā.e-tanhā.ī na pūchh
sub.h karnā shaam kā laanā hai jū-e-shīr kā

vo bhī kyā din the udhar shaam idhar haath meñ jaam
ab to raste bhī rahe yaad na mai-ḳhānoñ ke

kyā zamāna thā udhar shaam idhar haath meñ jaam
sub.h tak daur chalā karte the paimānoñ ke

fasl-e-gul se thā ābād sehn-e-chaman fasl-e-gul jo ga.ī raunaqeñ luT ga.iiñ
yuuñ ḳhamoshī se shām-e-ḳhizāñ aa.egī ahl-e-gulshan ko is kī ḳhabar bhī na thī

khet khaliyān se jab sāñvlī sūrat lauTe
surma.ī shaam kī tanvīr ġhazal meñ aa.e

kiyā hasrat se ruḳhsat sub.h ke tāroñ ko ye kah
ki jis kā shaam se thā aasrā ab tak nahīñ aayā

har sub.h-o-shām baaġh meñ sahrā meñ juuñ nasīm
us gul kī justujū kī havas par ḳharāb huuñ

har ek bastī badaltī hai rañg-rūp ka.ī
jahāñ bhī sub.h guzāro udhar hī shaam karo

tilsim-e-shab se bahut be-ḳhabar chale aa.e
ye kyā ki shaam Dhale yaar ghar chale aa.e

fikr kī kis sarshār Dagar par shaam Dhale jī chāhā
jhiil meñ Thahre apne aks ko chūmeñ hoñT bhigo leñ