Tags-Shaam

sar ko phoḌā kiye patthar se samundar se laḌe
sub.h yuuñ shaam huī shaam se yuuñ raat huī

aaj ye shaam bhīgtī kyuuñ hai
tum kahīñ chhup ke ro rahī ho kyā

ġhazab kī dhuup hai ab ke safar meñ ham-nafaso
kisī ke sāya-e-gesū meñ shaam karte haiñ

dhuñdlā ga.ī hai shaam shab-e-ḳhām se 'munīr'
ḳhālī huā kashish kī sharāboñ se jām-e-shām

bāñdhe hue haiñ vaqt sabhī us ke hukm meñ
hai jis ḳhudā ke haath meñ kār-e-nizām-e-shām

aage kī manziloñ kī taraf shaam kā safar
jaise shaboñ ke dil meñ thā shahr-e-qayām-e-shām

guldasta-e-jihāt thā nairañg-e-rāh-e-ishq
thā ik tilism-e-husn-e-ḳhayābān-e-dām-e-shām

rañgoñ kī vahshatoñ kā tamāshā thī bām-e-shām
taarī thā har makāñ pe jalāl-e-davām-e-shām

aah sad-afsos hai phir aam ruḳhsat ho gayā
jis ko khātā thā maiñ sub.h-o-shām ruḳhsat ho gayā

kaTtā bhalā kyūñkar shab-e-furqat kā añdherā
palkoñ pe charāġhāñ jo sar-e-shām na hotā

jo zulfeñ mukhḌe pe khol detā sanam hamārā to phir ye gardūñ
na din dikhātā na shab bitātā na sub.h laatā na shaam kartā

sub.h ko shaam likh diyā maiñ ne
apnā anjām likh diyā maiñ ne

yaad hai ab tak tujh se bichhaḌne kī vo añdherī shaam mujhe
tū ḳhāmosh khaḌā thā lekin bāteñ kartā thā kājal

phir sāmne hai pahāḌ sī raat
phir shaam se niiñd uchaT ga.ī hai

us kī āñkheñ bhī kuchh roī roī sī thiiñ
aur maiñ bhī us shaam bahut hī thakā huā thā

qalb-e-alam-nasīb kī tishna-labī bujhā.e jā
ai mere sāqiyā mujhe shām-o-sahar pilā.e jā

bhūlī huī yaad aa ke kaleje ko male hai
jab shaam guzar jaa.e hai jab raat Dhale hai

habs thā koī sub.h farozāñ hone vaalī thī
shaam qadam-bosī par thī saa.e parvāz meñ the

terī har shaam sitāroñ se sajānā hai mujhe
jab tak āñkhoñ pe mirī ik bhī palak baaqī hai

shaam hī se ham kahīñ jaate the roz
muddatoñ apnā yahī dastūr thā