Tags-Shaam

din Dhalne lagā dil-zadagāñ dil kī ḳhabar lo
ik silsila-e-hijr bhī hai shaam ke aage

shām-e-shab-e-firāq hai tākīd-e-zabt-e-āh
dil meñ uThe jo dard to phir kyā kare koī

jo shaam hotī hai har roz haar jaatā huuñ
maiñ apne jism kī parchhā.iyoñ se laḌte hue

apne hī rain-baseroñ kī taraf
lauT aa.e haiñ sabhī shaam Dhale

apnā ghar shahr-e-ḳhamoshāñ sā hai
kaun aa.egā yahāñ shaam Dhale

tez-tez-raftāri-e- na badal de me.aar
shaam ke saath kahīñ umr na Dhalne lag jaa.e

koī shaam ke vaqt aa.egā lekin
sahar se ham āñkheñ bichhā.e hue haiñ

kyuuñ rāsta dekhā kiyā us kā maiñ sar-e-shām
be-dard kā mujh se koī paimāñ to nahīñ thā

shaam
niim tārīk rāhoñ pe māthā ragaḌtī rahī

lagā huā huuñ savere ko shaam karne meñ
samundaroñ meñ ubharte bhañvar bulāte haiñ

koī to sub.h-e-rifāqat se kar sakūñ ta.abīr
koī to shaam tire saath apne naam likhūñ

vo shām-e-ġham jo tirī zindagī kā hāsil hai
vo shaam nūr-e-sahar ke sivā kuchh aur nahīñ

tū mere dil meñ utar aa kabhī qayām to kar
milan se apne koī phir hasīn shaam to kar

haiñ shām-e-ġhurbat kī tīrgī meñ mujhe mire ashk hī ġhanīmat
ho jin kī qismat meñ ḳhud hī gardish maiñ un sitāroñ kā kyā karūñgā

khol ke zulfoñ ke ta.iiñ chehra par
yaar baham shām-o-sahar kar gayā

shaam se zoroñ pe tūfāñ hai bahut
us ke lauT aane kā imkāñ hai bahut

talāsh-e-rizq meñ ye shaam is tarah guzar ga.ī
koī hai apnā muntazir ḳhayāl hī nahīñ rahā

bas ki fa.ālummā-yurīd hai aaj
har silah shor englistāñ kā

sitāra sub.h kā raushan thā shaam se 'ābid'
yahī thī maut harīfān-e-bazm-e-shab ke liye

ham ne bechī nahīñ jis roz matā-e-ġhairat
ik piyāla bhī na mai kā hameñ us shaam milā