Tags-Shaam

shaam tak band rahtā hai kamra mirā
aur kamre meñ tanhā khilaunā mirā

chunāñche sar-e-shām ham sab kisī ḳhāndān-e-farañgī se bahr-e-mulāqāt nikle
yahāñ merā ''ham sab'' se matlab hai vo dūsre ham-vatan aur paḌosī ki jo mulk-e-afrañg kī is baḌī

pūchhā ḳhitāb yaar se kis tarah kījiye shām-e-vasl
chupke se andalīb ne phuul se kuchh kahā ki yuuñ

kyā baḌhegā vo tasavvur kī hadoñ se aage
sub.h ko dekh ke yaad aa.e jise shaam kī baat

mom kī battī jaisī shaam
tez havā kā jhoñkā din

rupahlī shaam ho yā hoñ savere arġhavānī se
'shafaq' rañgoñ ke sab manzar mujhe tasḳhīr karte haiñ

mirī ġhurbat-e-sahar kā na thakā ġhurūr varna
maiñ chaman se maañg letā koī shām-e-be-hayā.ī

vo bistar meñ paḌī rahī
shaam galī meñ khaḌī rahī

ek saperā merī galī meñ aa niklā kal shaam
us kī āñkheñ chamkīlī thiiñ aur āñkheñ sañgīn

ye kasrat-e-āzār-o-ġham-o-rañj kahāñ tak
ai shaam shab-e-hijr-e-sahar bhī hai koī chiiz

ḳhanjar-e-zahr-e-vafā dil meñ chhupā.e kab se
muntazir huuñ ki idhar vo sar-e-shām aa.egā

dil pā ke us kī zulf meñ ārām rah gayā
darvesh jis jagah ki huī shaam rah gayā

shaam ho yā ki sahar yaad unhīñ kī rakhnī
din ho yā raat hameñ zikr unhīñ kā karnā

raushnī ho na sakī shaam ke hañgām ke saath
aur ham diip jalāte rahe har shaam ke saath

talāsh phir koī khoī sī rahguzār meñ thī
phir aaj ik shaam sub.h ke intizār meñ thī

sub.h aatā huuñ yahāñ aur shaam ho jaane ke ba.ad
lauT jaatā huuñ maiñ ghar nākām ho jaane ke ba.ad

shām-e-hijrāñ bhī ik qayāmat thī
aap aa.e to mujh ko yaad aayā

shaam pyārī shaam us par bhī koī dar khol de
shāḳh par baiThī huī hai ek beghar fāḳhta

sub.h-dam jis ne uchhālā thā fazā meñ ḳhurshed
dil sar-e-shām usī baam pe Dhalnā chāhe

lajā lajā ke sitāroñ se maañg bhartī hai
urūs-e-shām ye kis ke liye sañvartī hai