Tags-Shaam

koThe par chehra-e-pur-nūr dikhāyā sar-e-shām
yaar se raj.at-e-ḳhurshīd kā e.ajāz huā

āñgan meñ tulsī lahrātī
naanī shaam meñ battī jalātī

maiñ agar shaam kī havā hotī
roz hī chāñdnī ke ghar jaatī

apne chehre se jo zulfoñ ko haTāyā us ne
dekh lī shaam ne tābinda sahar kī sūrat

shaam hote hī charāġhoñ se tumhārī guftugū
ham bahut masrūf ho jaate haiñ ghar jaane ke ba.ad

naaz thā ham ko jin par unhīñ kī qasam vo bhī ulfat meñ nikle na sābit-qadam
be-kasī ke añdhere meñ ai shām-e-ġham ek ham rah ga.e ek tū rah ga.ī

sāmne un ko paayā to ham kho ga.e aaj phir hasrat-e-guftugū rah ga.ī
un se kahnā thā rūdād-e-shām-e-alam dil kī dil hī meñ ye aarzū rah ga.ī

hai āb-e-nahr sūrat-e-ā.īna jalva-gar
tābāñ hai misl-e-chashma-e-ḳhurshīd har bhañvar

ġhubār-e-shahr se bāhar tirī rifāqat meñ
sukūt-e-shām ke lamhe baḌe suhāne lage

shaam piilī raakh meñ ḳhūn-e-shafaq kā injimād
raat jaise ḳhvāb-e-yaḳh-basta hoñ din akḌe hue

sūraj lipaT ke jhiil ke paanī se ro diyā
manzar firāq-e-shām kā kitnā udaas hai

ye hai shaam mausam-e-dard kī ye hai sub.h chehra-e-zard kī
hai bahār par ġham-e-zindagī koī dil-ḳhizāñ ho to le ke aa

mat pūchh ye mujh se dost mire
kyuuñ shaam Dhale in āñkhoñ meñ

jab bhī aatī hai tirī yaad kabhī shaam ke ba.ad
aur baḌh jaatī hai afsurda-dilī shaam ke ba.ad

yuuñ to kuchh shaam se pahle bhī udāsī thī 'adīb'
ab to kuchh aur baḌhī dil kī lagī shaam ke ba.ad

yuuñ to har lamha tirī yaad kā bojhal guzrā
dil ko mahsūs huī terī kamī shaam ke ba.ad

ab irādoñ pe bharosa hai na tauba pe yaqīñ
mujh ko le jaa.e kahāñ tishna-labī shaam ke ba.ad

maiñ kyuuñ na Dūbte manzar ke saath Duub hī jā.ūñ
ye shaam aur samundar udaas paanī kā

dekh kar gaal tire zulf ke halqe se huī
matl.a-e-sub.h-e-vatan shām-e-ġharībāñ mujh ko

saath apne shām-e-hijr ke jāgūñ ki aas bhī
le Dūbtā hai subah kā taarā kabhī kabhī