Tags-Shaam

sar-e-shorīda pā-e-dasht-e-paimā shām-e-hijrāñ thā
kabhī ghar thā bayābāñ meñ kabhī ghar meñ bayābāñ thā

charāġh-e-shām-e-ġharībī thā meñ zamāne meñ
kisī ne aa ke na ThanDā kiyā jalā ke mujhe

ḳhabar kise sub.h-o-shām kī hai ta.a.īnāt aur quyūd kaise
namāz kis kī vahāñ kisī ko ḳhayāl tak bhī nahīñ vuzū kā

phir ujālā hī ujālā nazar aatā hai 'sirāj'
dil ho bedār to duniyā meñ kabhī shaam nahīñ

mātam ab ḳhaak karūñ be-sar-o-sāmānī kā
ik diyā aaj mayassar hai to ab shaam nahīñ

os dāman pe hai āñkhoñ meñ namī kī jhalkī
sub.h hone pe bhī āsūdgī-e-shām nahīñ

merī tahqīq mirā husn-e-nazar aam nahīñ
koī aalam ho mire aa.ine meñ shaam nahīñ

vahāñ va.ade hote haiñ aa.e din sar-e-shām ḳhvāb meñ ā.eñge
yahāñ iztirāb-e-tamām se mirī shab kī niiñd harām hai

jise tū ne samjhā hai zindagī usī inqalāb kā naam hai
kabhī din huā kabhī shab huī kabhī sub.h hai kabhī shaam hai

Dar hī lagtā hai ki raste meñ na rah jā.ūñ kahīñ
kahlavā dījiye meñ shaam nahīñ aa saktā

añdherī shaam ke sāthī
adhūrī nazm se zor-āzmā haiñ

shaam Dhalne se faqat shaam nahīñ Dhaltī hai
umr Dhal jaatī hai jaldī palaT aanā mire dost

kaisī añdherī shaam thī us din
bādal bhī ghar kar chhāyā thā

ab hai duā ye apnī har shaam har sahar ko
yā vo badan se lipTe yā jaan tan se nikle

din abhī baaqī hai 'iqbāl' zarā tez chalo
kuchh na sūjhegā tumheñ shaam ke Dhalte Dhalte

ham bahut duur nikal aa.e haiñ chalte chalte
ab Thahar jaa.eñ kahīñ shaam ke Dhalte Dhalte

har sub.h na.e karb ke chehroñ se mulāqāt
har shaam bichhaḌne kā sabab pūchh rahā huuñ

ki us kā shukr kareñ shab se mā-ba-roz adā
itā.at us kī bajā lāveñ sub.h se tā-shām

sulagtī shaam kī dahlīz par jaltā diyā rakhnā
hamārī yaad kā ḳhvāboñ se apne silsila rakhnā

āñkhoñ meñ dard-mandī hoñToñ pe uzr-ḳhvāhī
jānāna vaar aa.ī shām-e-firāqyāra