Tags-Shaam

sukūñ se marte haiñ marne vaale jinheñ ujāloñ kī hai tamannā
yahī bahut hai ki sū-e-maqtal charāġh-e-shām-o-sahar rahe haiñ

kuchh bhī ho us se judā.ī kā sabab ghar jaao
Dhal chukī shaam añdherā huā ab ghar jaao

sunā hai dhuup ko ghar lauTne kī jaldī hai
vo aaj vaqt se pahle hī shaam kar degī

jis ke māthe pe mire baḳht kā taara chamkā
chāñd ke Dūbne kī baat usī shaam kī thī

koī shaam ke vaqt aa.egā lekin
sahar se ham āñkheñ bichhā.e hue haiñ

sipāh-e-shām hameñ āftāb kahtī hai
bulandiyāñ haiñ sināñ kī hamāre sar ke liye

tujh se mil ke bhī terā intizār rahtā hai
sub.h rū-e-ḳhandāñ se shaam zulf-e-barham tak

sub.h-e-azal se shām-e-abad tak mere hī dam se raunaq hai
is manzar se us manzar tak us manzar se aage bhī

sajā.e ḳhvāb āñkhoñ meñ
sahar se shaam tak

haiñ sat.h-e-bahr par maujeñ pareshāñ
jo din Duube to koī shaam ubhre

qayāmat kā koī hañgām ubhre
ujāle Duub jaa.eñ shaam ubhre

girah-e-shām-o-sahar ahl-e-ḳhirad se na khulī
zindagī aaj bhī hai uqda-e-mushkil kī tarah

chale taa.ir uḌ ke pas-e-shafaq hai udaas udaas ruḳh-e-ufuq
ki bayāz-e-shām kā har varaq tirī dāstān-e-darāz hai

ab dil meñ sar-e-shām charāġhāñ nahīñ hotā
sho.ala tire ġham kā kahīñ bujhne na lagā ho

yuuñ hirāsāñ haiñ musāfir bastiyoñ ke darmiyāñ
ho ga.ī ho shaam jaise jañgaloñ ke darmiyāñ

vasl kī shaam kā andāza bahut mushkil thā
ham ne pūchhā thā magar us ne chhupāyā huā hai

jo hudūd-e-sub.h meñ ruk gayā use ittifāq-e-safar kaho
maiñ vahī musāfir-e-shām huuñ mire rāste meñ sahar paḌī

mere hāthoñ meñ agar taqdīr-e-sub.h-o-shām ho
titliyāñ ta.abīr kī rakh duuñ kitāb-e-ḳhvāb meñ

zīna-e-shām pe rakkhā hai charāġh-e-ḳhasta
jis kī rag rag meñ ravāñ zard dhuāñ thā pahle

aatī hai yaad roz ḳhud aatī nahīñ magar
yārab hamārī shām-e-masarrat ko kyā huā