Tags-Shaam

sub.h-e-gulshan dekhiye kyā gul khilā.e
kuchh havā badlī huī hai shaam se

sub.h kā afsāna kah kar shaam se
kheltā huuñ gardish-e-ayyām se

jahāñ bhī shām-e-tan jaa.e muhāfiz saañp kī sūrat
maiñ apnī rezgārī kī vahīñ ambār kartā huuñ

na ghabrā tīrgī se tū qasam hai sañg-e-asvad kī
ki tārīkī hī meñ soī hai shām-e-gesū-e-lailā

afsos shab-e-hijr kī shaam aate hī mar ga.e
kyā kyā thā bharosa hameñ āh-e-saharī kā

ajiib vahshat-e-shab thī ki shaam Dhalte hī
tamām log muñDeroñ par apne sar rakhte

dekh liyā kartā huuñ aksar ye bhī aalam vo bhī manzar
shām-e-furqat sub.h-e-qayāmat kis kī badaulat dil kī badaulat

kyā ḳhabar hai kis kināre is safar kī shaam ho
kashti-e-umr-e-ravāñ meñ bādbāñ koī nahīñ

ḳhabar na thī ki siyāhī kā jaal phailegā
lahū kī aag sar-e-shām hī jalā letā

bache-kuchhe se ye pal bhī guzar hī jā.eñge
kisī kī yaad meñ sāhil pe shaam karte hue

charāġh-e-shām-e-tanhā.ī bhī raushan rakh nahīñ paa.e
ab aur aage havā kī dostī se chāhte kyā ho

zindagī jā na sakī shām-o-sahar se aage
saarā aalam isī ā.īna-e-takrār meñ thā

jis gorī par ham ek ġhazal har shaam likheñ
tum jānte ho ham kyūñkar us kā naam likheñ

vo sar se paañv tak jaise sulagtī shaam kā manzar
ye kis jaadū kī bastī meñ dil-e-tanhā nikal aayā

bahār kī ye dil-āvez shaam
jis kī taraf

sub.h khalne kī ho yā shaam bikhar jaane kī
ham ne ḳhushbū hī kiyā apnī pareshānī ko

jal uThā ik charāġh-e-shām to kyā
bujh ga.e be-shumār imkānāt

sifārish ke binā jab bhī chale ham hasrateñ le kar
huī jab shaam to māyūs apne ghar nikal aa.e

pal pal jiine kī ḳhvāhish meñ karb-e-shām-o-sahar māñgā
sab the nashāt-e-naf.a ke pīchhe ham ne ranj-e-zarar māñgā

jām-e-ishq pī chuke zindagī bhī jī chuke
ab 'hilāl' ghar chalo ab to shaam ho ga.ī