Tags-Shaam

hotī hai shaam aañkh se aañsū ravāñ hue
ye vaqt qaidiyoñ kī rihā.ī kā vaqt hai

safar meñ shaam ho jaatī to dil meñ sham.eñ jal uThtīñ
lahū meñ phuul khil jaate jahāñ ġhuncha chaTaktā thā

vo aa.e yā vaade par na aa.e balā se qismat jo kuchh dikhā de
magar hameñ dekhnā to ye hai ki aaj hotī hai shaam kab tak

huī jo shaam rāste gharoñ kī samt chal paḌe
hameñ magar ye kyā huā ye ham kidhar nikal paḌe

shab-e-mazār se kuchh kam nahīñ hai shām-e-firāq
agar asīr-e-sahar vaañ nahīñ to yaañ bhī nahīñ

zabt kā sūraj bhī āḳhir shaam ko Dhal hī gayā
ġham kā bādal ban ke aañsū raat bhar barsā bahut

ham ne dekhā hai mohabbat kā sazā ho jaanā
sub.h-e-dīdār kā bhī shaam milā ho jaanā

shām-e-visāl-e-dard ne jaate hue kahā
kal phir mileñge dost agar zindagī rahī

un se milan kī shaam ghaḌī do-ghaḌī rahī
aur phir jo raat aa.ī to barsoñ khaḌī rahī

suunī suunī thiiñ jo āñkheñ vo dobāra hans deñ
nazar aayā hai jo manzar vo usī shaam kā hai

sub.h-e-ishq akelī kab hai
shām-e-ġham kā pahrā to hai

tere sitam kī guftugū tere karam kī justujū
sub.h-e-firāq bhī nahīñ shām-e-visāl bhī nahīñ

dard-e-dil uTh uTh ke Dhātā hai qayāmat jaan par
shām-e-hijr-e-āshiqāñ hai sub.h-e-mahshar kī tarah

garmī-e-hasrat-e-nākām se jal jaate haiñ
ham charāġhoñ kī tarah shaam se jal jaate haiñ

aaḌī tirchhī kuchh lakīreñ hī mileñgī shaam tak
shahr ke chaurāhe par tū apnī fankārī na rakh

us ek shaam ko jis ke liye the chashm-ba-rāh
ḳhilāf-e-vaqt baḌī der se Dhalā sūraj

milan kī shaam sahī par milan nasīb kahāñ
to chaḌhte chāñd kī mayyat meñ Dūbtā sūraj

ye shaam aur raushnī kī ye qatāreñ
udāsī aur gahrī ho ga.ī hai

paḌ ga.iiñ pairāhan-e-sub.h-e-chaman par silvaTeñ
yaad aa kar rah ga.ī hai be-ḳhudī kī ek shaam

yuuñ bhī ho vasl kā sūraj kabhī ubhre aur phir
shām-e-hijrāñ tire ik ek makīñ par chamke