Tags-Shaam

tannāz hañsī masmūm nazar ye kaisī fazā-e-ulfat hai
dekheñ is daur ke shām-o-sahar kab tak raheñ narġha-e-qātil meñ

bhaa.ī se tab kahā ye hasan ne ba-iltifāt
be-vaj.h ham se rūThe ho tum ai niko-sifāt

yūñhī shaam o sahar rahtā hai naqsha un kī mahfil kā
idhar das pāñch baiThe haiñ udhar do chaar leTe haiñ

shaam dastakeñ degī tab samajh meñ aa.egā
zindagī talātum hai maut ik sahārā hai

maiñ ek shaam tire saath rah ke luT sā gayā
ki zindagī meñ ye lahja nahīñ milā mujh ko

udhar kināre pe bhī 'talḳh' meñ hī thā kal shaam
bas apne ḳhauf ne milne nahīñ diyā mujh ko

shām-e-ġham tere tasavvur hī se āñkhoñ meñ charāġh
varna mere ghar meñ ho aur raushnī tere baġhair

musāfiroñ ke liye to yaksāñ hai dasht aur shahr se guzarnā
ki shaam hote hī taan lete haiñ log ḳhvāboñ ke shāmiyāne

phir se shām-e-firāq aa.ī ab
aañkh bhī ashk-bār lagtī hai

shaam bhī thī dhuāñ dhuāñ husn bhī thā udaas udaas
dil ko ka.ī kahāniyāñ yaad sī aa ke rah ga.iiñ

mai-kashī sub.h-o-shām kartā huuñ
fāqa-mastī mudām kartā huuñ

kin zaḳhmoñ ke Tāñke TuuTe kin dāġhoñ ke band khule
ḳhuun hai rañgat shām-o-sahar kī aag hai mausam duniyā kā

aadmī na itnā bhī duur ho zamāne se
sub.h ko judā samjhe shaam ke fasāne se

shaam ko sub.h se ta.abīr karo tum lekin
aañkh vaale to sahar hī ko sahar jānte haiñ

DhūñDeñge ab parind kahāñ shaam ko panāh
jañgal kī aag khā ga.ī sab Dāliyāñ daraḳht

ik hashr bapā kar ke sar-e-shām safar meñ
phir tū ne mirā haal na pūchhā use kahnā

milī haiñ din kī adhūrī masāfateñ shab ko
chamakte shām-o-sahar kis hisāb meñ likhiye

dil hamārā jānib-e-zulf-e-siyah-fām aa.egā
ye musāfir aaj manzil par sar-e-shām aa.egā

shaam talak ādāb bajāte gardan dukhne lagtī hai
payāde ho kar shāhoñ vaalī ābādī meñ rahte haiñ

nafrat huī do-rañgī-e-lail-o-nahār se
maiñ sub.h o shaam us ko lab-e-bām le gayā