Tags-Shaam

dard kā dil kā shaam kā bazm kā mai kā jaam kā
rañg badal badal gayā ek nazar ke saath saath

shaam ko der se pahuñchūñ to lagtā hai ḳhafā mujh se
mujh se bahut barham ho aisī ghāteñ kartā hai

sunā hai arsh-e-ilāhī isī ko kahte haiñ
tavāf-e-ka.aba-e-dil ham ne sub.h-o-shām kiyā

ye din ke dosh pe bikhrī haiñ shaam kī zulfeñ
ki ik machhere ke kāñdhe pe jaal rakkhā hai

har shaam sajā.e haiñ tamannā ke nasheman
har sub.h mai-e-talḳhī-e-ayyām bhī pī hai

saverā le ke aatā hai mire ḳhvāboñ kī ta.abīreñ
magar jab shaam hotī hai to un kī yaad aatī hai

kyā huā Dhal rahī hai shaam agar
hai vahī tū abhī vahī maiñ bhī

havā-e-shām se kitne charāġh jal uTThe
dayār-e-dil meñ tamannā kā ik sharar bhī nahīñ

kaTī hai āñkhoñ hī āñkhoñ meñ shām-e-hijr magar
shab-e-darāz-e-alam itnī muḳhtasar bhī nahīñ

udaas chehra hai shām-e-ġham kā dhuāñ dhuāñ shab utar rahī hai
abhī se koī sahar kā manzar nazar meñ apnī janāb rakhnā

din kī kajlā.ī huī dhuup meñ kyā dekhte haiñ
shaam hote hī pareshāñ nazar aane vaale

phir siyah-posh huī shaam nazar meñ rakhnā
tum ye bedardī-e-ayyām nazar meñ rakhnā

shām-e-firāq kī qasam aur to kuchh na paas thā
tere liye bachā liyā ek diyā aur ek phuul

maiñ to bahut dinoñ se ye kahtā thā aaj to
sab ne kahā ye shaam suhānī usī kī hai

shaam kā dhuñdlakā hai yā udaas mamtā hai
bhūlī-bisrī yādoñ se phūTtī duā dekhūñ

saarā din be-kār baiThe shaam ko ghar aa ga.e
ḳhvāb meñ chalne lage dīvār se Takrā ga.e

samajhtī hai shaam o sahar jis ko duniyā
tire zulf o aariz kī ḳhairāt hogī

bādal mirī chhat par kab Thahre
dīvār pe gahrī shaam rahī