Tags-Shaam

mujh ko le jā.egī manzil pe mirī sub.h-e-yaqīñ
laakh raste meñ mujhe shaam huī jaatī hai

masjid-e-jism jise koī namāzī na milā
vahīñ ik shaam mirī ruuh kā mai-ḳhāna banā

tamām jalva-e-vahdat hai shaam ho ki sahar
hai jis hisāb meñ sahrā usī hisāb meñ saañp

sub.h ke ubharne se shaam ke utarne tak
kitnī jān-levā hai dopahar kī ḳhāmoshī

mirī shām-e-alam sub.h-e-masarrat hotī jaatī hai
ki har lahza tire milne kī sūrat hotī jaatī hai

shām-e-firāq apnī farozāñ na kar sake
tārīk zindagī ko daraḳhshāñ na kar sake

kanār-e-āb maiñ kab tak ginūñgā lahroñ ko
hai shaam sar pe mujhe paar bhī utarnā hai

hai aarzū ki hamdam vo māh-rū ho merā
de shaam siiñ jo pyāla ho bhor mai-kade meñ

shām-e-firāq aa.ī to dil Dūbne lagā
ham ko bhī apne aap pe kitnā ġhurūr thā

ik shaam ham-suḳhan the chaman meñ kalī se ham
yādash-ba-ḳhair phir na mile zindagī se ham

nagar meñ zehn ke phir shaam se hai sannāTā
udaas udaas hai dil 'mīr' kī ġhazal kī tarah

ā.īne ke āḳhirī iz.hār meñ
maiñ bhī huuñ shām-e-abad-āsār meñ

chāñd thā sāhil-e-nafas ke qarīb ek din mere dil meñ Duub gayā
sub.h kā raaz rā.egāñ Thahrā shaam bhī ghul ga.ī tamāshe meñ

ye sho.ala ek barg-e-ḳhizāñ hai ki barg-e-gul
āñkhoñ meñ terī shaam hai kyuuñ bhor kyuuñ nahīñ

ghire haiñ dard-o-alam meñ firāq ke aise
ki sub.h-e-īd bhī yaañ shaam hai mahram kī

na jaane kyuuñ hameñ is dam tumhārī yaad aatī hai
jab āñkhoñ meñ chamakte haiñ sitāre shaam se pahle

milī thiiñ phir bhī vo dīvāreñ ajnabī ban kar
agarche shaam se pahle hī ghar ga.e the ham

aaj kā din bhī yūñhī biit gayā shaam huī
aur ik raat kā kaTnā bhī gavārā kar leñ

vahāñ jab shaam hotī hai
kisī ke viloin jaise badan par

ulTā na irāq-o-shām-o-halab duniyā na huī vīrān to kyā
jal-thal na lahū se to ne bharā to ḳhūn-e-musalmāñ kuchh na kiyā