Tags-Shaam

vo sar-e-shām baam par aa.e
muñh ko pūrab meñ is tarah moḌā

phailtī jā rahī hai tārīkī
shaam mahsūs kar rahī hai thakan

jab vo hañste hue aate haiñ ḳhayāloñ meñ 'kalīm'
shām-e-ġham sub.h-e-masarrat meñ badal jaatī hai

jab sar-e-shām koī yaad machal jaatī hai
dil ke vīrāne meñ ik sham.a sī jal jaatī hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

mujh ko na din ko chain na shab ko sukūñ nasīb
ik rabt-e-dā.imī mirī shām-o-sahar meñ hai

vasl hai ik shahsavār-e-husn se shām-o-sahar
hai inān-e-ablaq-e-gardūñ hamāre haath meñ

thāmnā mushkil dil-e-muztar ko shām-e-ġham huā
yaad aate hī kisī kī hashr kā aalam huā

ham-safar ye tū ye maiñ ye taT ye jhiil
phuul vāreñ is anokhī shaam par

tum aao to pañkh lagā kar uḌ jaa.e ye shaam
mīloñ lambī raat simaT kar pal do pal ho jaa.e

zard-rū vahshat-zada bhaTkī huī vīrān sī
zindagī ik shaam hai aur shaam ban meñ Dhal rahī hai

maza to jab hai ki vo āftāb-e-sub.h-e-jamāl
gale lipaT ke sar-e-shām-e-intizār mile

tirī yaad meñ bahut hīla-jū yūñhī guzre shām-o-sahar mire
kabhī din meñ aah se kaam thā kabhī shab meñ nauhagarī rahī

tū jidhar chāhe udhar jā ki sahar se tā-shām
maiñ bhī saa.e kī tarah huuñ tire ham-rāh miyāñ

'ātish' jo chāhe paa.e tavakkul ke mahkame
jo sub.h ko mile na rahe shaam ke liye

har-chand apnā nāma-e-isyāñ siyāh ho
hogā safed sub.h hai har shaam ke liye

vo badalte haiñ kirdār din meñ ka.ī
dekhte haiñ jo shām-o-sahar aa.ina

sach kaho shaam kī āvāra havā ke jhoñko
us kī ḳhushbū ke ta.āqub meñ kidhar jāoge

haañ mere ḳhvāboñ ko tumhārī sub.hoñ kī sard aur sāya-gūñ tābīroñ se nafrat hai
in sub.hoñ ne shaam ke hāthoñ ab tak jitne sūraj beche

vo bujhā jaa.e to ye dil ko jalā de phir se
shaam hī kaun sī rāhat meñ sahar se kam hai